ASNN – Pas Interit, Juventusit në Itali dhe Real Sociedadit në Spanjë, edhe Hall Siti në Angli ka shprehur interesim për Adnan Januzajn.
Talenti kosovar i Mançester Junajtid po kërkohet tani edhe nga një skuadër tjetër e Premier Ligës Angleze.
Sipas mediave britanike, Hall City e ka shënjestruar Adnanin, duke e kërkuar atë si huazim në gjatë merkatos së janarit.
Gjithsesi, kësaj skuadre i duhet të mposht konkurrencën e Interit, Juventusit dhe Real Sociedadit, për të siguruar shërbimet e Januzajt.
Ndërkohë që Interi dhe Juventusi e duan atë për të ardhmen, Real Sociedadi, që ka për trajner ish-trajnerin e Mançester Junajtid, David Mojes, e kërkon Januzajn si një përforcim të menjëhershëm.
