“Skuadrat shqiptare marrin një shumicë gjërash pozitive nga debutimi i tyre në Kupën Kontinentale. Shqipëria është një nga dhjetë vendet që kanë bërë këtë vit debutimin e tyre në Kupën Kontinentale të Volejbollit në Plazh pas edicionit inaugurues, që u zhvillua menjëherë pas Lojërave Olimpike “Londër 2012”. Edhe pse çiftet e tyre nuk kanë mundur të kalojnë në fazën e tretë të këtij aktiviteti, i cili do të jetë vitin e ardhshëm, pjesëmarrja e tyre kishte shumë gjëra pozitive prej së cilës mund të përfitojnë dhe të tjerë nga eksperienca e tyre e parë. “Ne organizojmë kampionatin tonë kombëtar të volejbollit në plazh prej shumë vitesh dhe vitin e kaluar djemtë dhe vajzat tona kanë marrë pjesë në Kupën Kontinentale të të rinjve”, – kujton sekretari i përgjithshëm i Federatës Shqiptare të Volejbollit, Leonard Tase. “E kishim të llogaritur që këtë vit ishte koha për të kërkuar diçka më shumë dhe këtë vit e kemi arritur këtë objektin me pjesëmarrjen në Kupën Kontinentale të Volejbollit në plazh 2014-2015. Javën e kaluar kemi qenë mes vendeve që kanë marrë pjesë në raundin e dytë të organizuar në Beograd dhe, përtej marrjes së eksperiencës ndërkombëtare, ishte bukur të ishe pjesë e procesit të kualifikueseve të Lojërave Olimpike “Rio de Zhaneiro 2016”, -shton Tase. Dy çiftet si për femra, ashtu dhe për meshkuj, kanë konkurruar të dielën e kaluar në gjirin e Ada Çiganlija në kryeqytetin e Serbisë dhe i kanë humbur të gjitha ndeshjet. Dhe në përfundim kanë zënë vendin e katërt dhe akoma ishte një eksperiencë e jetës për ta. Esmeralda Tuci dhe Erblina Bici mbanin shpresat e Shqipërisë në garën e femrave. Kjo ishte diçka me të cilën janë mësuar që në momentin që janë pjesë e ekipit kombëtar në volejboll, por për ta ishte hera e parë që kanë pasur mundësinë për të treguar vlerat e tyre në sallën e mrekullueshme të volejbollit në plazh. “Ka qenë diçka shumë e ndryshme dhe shumë pozitive për të gjithë ne”, – ka thënë Tuci, që së bashku me Bicin janë pjesë e ekipit kampion të Shqipërisë, UMB Volej. “Kemi pasur një moment të madh në këtë garë në Beograd, edhe pse ka zgjatur vetëm për disa ditë. Kemi kërkuar të bëjmë më të mirën tonë dhe në fund besoj se kemi luajtur disa ndeshje të mira. Kemi marrë duartrokitjet e tifozëve përpara ndeshjes dhe besoj që kjo na ka bërë të ndihemi mirë dhe të ulim tensionin. Jemi ndjerë mirë në këtë aktivitet, sepse kemi bërë shumë miq të rinj”, ka deklaruar Tuci. Në të njëjtën kohë Bici ka shtuar: “Mendoj dhe besoj se do të kemi një shans më të mirë në të ardhmen. Kemi ardhur në Serbi vetëm për të luajtur volejboll në plazh dhe mendoj se kemi bërë më të mirën tonë edhe për të kënaqur publikun që kishte ardhur për të na parë”. Edhe pse skuadrat shqiptare i kanë humbur të gjitha ndeshjet dhe nuk kanë fituar asnjë set, kjo pak rëndësi ka, të paktën në këtë fazë. “Gjëja themelore është eksperienca që të gjithë e kanë fituar me pjesëmarrjen e tyre në Kupën Kontinentale dhe shpresojmë që të jetë diçka për ta përdorur si avantazh për veten në të ardhmen”, ka mbyllur Leonard Tase”
