ASNN – Kombëtarja kuqezi ka zhvilluar të premten ndeshjen e dytë dhe të fundit miqësore në prag të pjesëmarrjes së saj historike në Evropianin “Francë 2016”, duke u mundur 1-3 përballë Ukrainës, në ndeshjen e zhvilluar në Bergamo. Goli i vetëm i Sadikut nuk mjaftoi përballë një loje më pragmatike të ukrainasve në takimin e sjellë për sportdashësit drejtpërdrejt në Rrjetin Radio-Televizionit Shqiptar.

Kështu, pas fitores me Katarin, Shqipëria e ka mbyllur fazën përgatitore austriake me një humbje 1-3 të premten në mbrëmje përballë Ukrainës, në atë që ishte miqësorja dhe prova e fundit kuqezi përpara Evropianit të Francës. Pjesa e parë e kësaj sfide, të sjellë për sportdashësit drejtpërdrejt në Rrjetin Radio-Televizionit Shqiptar, ka nisur e luftuar nga të dyja  skuadrat.

Por janë ukrainasit ata që e gjejnë të parët rrugën e rrjetës, me një veprim të zgjuar të Taras Stepanenkos. Megjithatë, epërsia e Ukrainës do të zgjasë vetëm 4 minuta, pasi në një kundërsulm kuqezi, Armando Sadiku do të ruajë gjakftohtësinë përballë portierit mik dhe do të godasë fort, duke e mposhtur atë dhe duke përshëndetur rrjetën. Pavarsisht përpjekjeve të të dyja skuadrave, pjesa e parë do të mbyllet në barazim 2-2.

Ndërsa e dyta do të nisë sërish më e mirë për ukrainasit të cilët e gjejnë sërish golin, pas vetëm 3 minuta lojë, me autor Jarmolenkon. Megjithatë, kuqezinjtë nuk janë dorëzuar dhe e kanë sulmuar portën kundërshtare dhe fillimisht është Ergys Kaçe, i cili me një goditje të lirë e vë në vështirësi portierin ukrainas, Pjatov, dhe fill pas tij, është Lenjani që godet prirët, topi rrok të dyja shtyllat me radhë, kthehet në lojë.

Ndërrimet nga ana e të dy trajnerëve ndikon edhe në rrjedhën e lojës në vijim, ndërsa Ukraina do ta vulosë fitoren në shifrat 3-1 me një gol të Konopljankës, në minutat e fundit të kohës së rregullt.