ASNN – Kapiteni i përfaqësueses serbe, Branisllav Ivanoviç, ka deklaruar se ndeshja ndaj Shqipërisë ishte shumë e vështirë, duke shtuar se serbët merituan fitoren. Kuqezinjtë pësuan dy gola në fund të takimit ndaj Serbisë për t’i vështirësuar punët për kualifikimin në Euro 2016.
“Në fakt ishte një ndeshje shumë e vështirë për të dyja ekipet, – deklaroi Ivanoviç për TVSH pas ndeshjes. – Ne e kontrolluam për 90 minuta lojën. Treguam karakter dhe në fund shënuam 2 gola duke arritur një fitore të madhe. Atmosfera ishte shumë e zjarrtë dhe ne e prisnim, por për fat nuk ndodhi asgjë.”
“Presioni ishte i madh, por ne luajtëm futboll. Shpresojmë që këto të jenë 3 pikët e kthesës për ekipin tonë”, – ka vijuar futbollisti i Çellsit. Kapiteni i përfaqësueses së Serbisë tha se në pjesën e dytë futbollistët serb dominuan. “Kjo është një fitore e madhe për ne”, – tha ai.
“Shpresoj kjo të jetë një kthesë për rezultatet dhe ekipin nga ana e publikut”, – theksoi se Ivanoviç ka thënë se kanë pritur atmosferë të tillë në Elbasan. Ai theksoi se ndeshja ka qenë shumë e vështirë për të dy skuadrat dhe se ata në fund të ndeshjes treguan karakter.
“Në fakt ishte një ndeshje shumë e vështirë për të dyja ekipet. Ne e kontrolluam për 90 minuta lojën. Treguam karakter dhe në fund shënuam 2 gola duke arritur një fitore të madhe”, – ka përfunduar kapiteni i Serbisë dhe futbollisti i Çellsit në Premier Ligën Angleze, Branisllav Ivanoviç.
Fakti që Serbia luante pa tifozë në “Elbasan Arena”, u cilësua nga Ivanoviçi si faktor që ka ndikuar pozitivisht te ata, pasi nuk kishin mbi supe presionin që kishin kundërshtarët e tyre, lojtarët shqiptarë. Në lidhje me organizimin e ndeshjes, ai tha se gjithçka ka qenë perfekte dhe se nuk kanë pasur asnjë problem.
Në fund, Branisllav Ivanoviçi, foli edhe për kombëtaren shqiptare, duke thënë se tashmë gjithçka është në dorën e shqiptarëve për të shkuar në Euro 2016. Kapiteni serb u detyrua të largohej nga fusha e lojës në minutën e 65-të, pasi mbeti i dëmtuar. Largimi i tij nga fusha e lojës u mendua se do t’ia bënte më të lehtë kuqezinjve, por nuk rezultoi kështu pasi Shqipëria u ndëshkua në fund.
