ASNN – Federata Shqiptare e Futbollit ka bërë të ditur të hënë për të gjithë tifozët shqiptarë të interesuar për të pajisur me bileta për të ndjekur ndeshjen Shqiperi-Danimarkë, të vlefshme për Eliminatoret e Kampionatit Evropian “Francë 2016, se shitja e tyre në treg do të nisë në mëngjesin e së mërkurës, me 8 tetor 2014.

Të interesuarit do të kenë mundësi t’i blejnë ato në pikën e shitjes në Tiranë (pranë Stadiumit Kombëtar “Qemal Stafa” në kryeqytet) dhe në Elbasan, pranë teatrit “Skampa” të këtij qyteti. Renditja e grupin I të Eliminatoreve të Euro 2016-s kryesohet nga Danimarka dhe Shqipëria, që kanë nga 3 pikë secila,

Ndersa Armenia, Portugalia dhe Serbia janë në kuotën e 0 pikëve, ndonëse duhet theksuar se serbët kanë luajtur vetëm një ndeshje, atë kundër Francës, që nuk mbart pikëzim. Shqiperia ka fituar ndeshjen e pare të luajtur në Portugali më 7 shtator, me rezultatin 1-0, ndërsa Danimarka mundi në fushën e saj Azerbajxhanin me shifrat 2-1.

Kalendari i ndeshjeve të Kombëtares kuqezi është:

7 shtator 2014:

Portugali – Shqipëri             0-1

11 tetor 2014:

Shqipëri – Danimarkë          (20:45)

14 tetor 2014:

Serbi – Shqipëri

14 nëntor 2014:

Francë – Shqipëri                 (miqësore)

29 mars 2015:

Shqipëri – Armeni

4 shtator 2015:

Danimarkë – Shqipëri

7 shtator 2015:

Shqipëri – Portugali

8 tetor 2015:

Shqipëri – Serbi

11 tetor 2015:

Armeni – Shqipëri