ASNN – Kampionati 5×5, “Art-Inox” shpallet për të dytin vit radhazi “kampion” i zonës rajonale të Durrësit. Kështu, Art-Inox është shpallur për të dytin vit radhazi ekipi kampion për zonën rajonale të Durrësit, në kampionatin kombëtar të futbollit 5×5 të organizuar në këtë zonë. Skuadra e Art-Inox zhvilloi një kampionat të shkëlqyer dhe dominoi çdo kundërshtar.

Në total u luajtën 15-të ndeshje dhe “Art-Inox” regjistroi 13 fitore, një barazim dhe vetëm një humbje në sfidën e fundit ndaj FJT Auto me rezultatin 2-0. Trofeu iu dorëzua skuadrës Art-Inox nga Sekretari i Përgjithshëm i Shoqatës Rajonale Durrrës, Arbër Kalemi, në një ceremoni të rastit, të organizuar nga Federata Shqiptare e Futbollit (FSHF).

Skuadra e Art-Inox, së bashku me 3 ekipet e tjera që janë renditur në krye të renditjes, Auto Ingroso, Leon MFC dhe Fitore FC, plus dy ekipe që do të dalin nga Kupa e Durrësit 5×5, do të marrin pjesë në fazën e “play-off”-it, ku do të përballen të gjitha skuadrat “kampione” dhe ekipet që janë renditur më mirë në të gjitha zonat rajonale për të shpallur kampionin e edicionit të 4-t të Shqipërisë në Kampionatin Kombëtar të Futbollit 5×5.