ASNN – Shkumbini ka mundur Turbinën 3-1 në miqësoren e zhvilluar në Peqin me gola të shënuar nga Sulkja dhe Lluca në pjesën e parë dhe Magani në të dytën. Ndërsa goli i vetëm për cërrikasit u shënua nga Lleshi në fundin e pjesës së parë.

Në përgjithësi ka qenë një lojë e mirë nga të dyja kampet, me një dominim më të madh nga skuadra vendëse, e cila ka pasur më shumë raste për të shënuar, si edhe ka krijuar një volum më të madh loje.

Ky ishte takimi i parë miqësor për peqinasit pas tre javësh përgatitjesh në këtë periudhë pushimi të kampionatit. Sulkja ka shfrytëzuar mjaft mirë një rast pranë zonës dhe me një goditje të bukur i ka kaluar në epërsi peqinasit në minutën e 18-të.

Shifrat janë dyfishuar nga Lluca në të 32-n minutë. Megjithatë cërrikasit shkurtojnë diferencën një minutë para fundit të pjesës së parë me Lleshin dhe me rezultatin 2-1 në favor të Shkumbinit mbyllet pjesa e parë.

Në fraksionin e dytë të loëjs janë sërish peqinasit që dominojnë dhe shënojnë edhe golin e tretë me anë të Maganit në minutat e fundit të takimit, duke fiksuar kështu një fitore komode në shifrat 3-1.

Shkumbini – Turbina                       3-1

Shënues: Sulkja 18′, Lluca 32′,

Magani 83’/ Lleshi 44′