ASNN – Pritet një sfidë e fortë sot mes Shkumbinit vendës dhe Lushnjës kryesuese të grupit të Jugut në Kategorinë e Parë.

Dhe për të mundur kryesuesit, teksa kanë deklaruar se nuk i intereson fare klasifikimi, aq më tepër që gjithmonë kanë qenë superior ndaj verdhejeshilëve, peqinasit kanë thirrur në ndihmë tifozët.

“Shkumbinin e kemi në zemër. Forca çuna fitoni për ne”, kjo është thirrja e tifozëve peqinas, që pritet të jenë të shumtë sot në ndeshje, sidomos pas barazimit heroik që Shkumbini ka marrë javën e kaluar në Kuçovë.