ASNN – Shkëndija rimerr “frenat” e kampionatit maqedonas, fiton 3-0 derbin me Renovën. Pas një humbje të papritur në mesjavë ndaj Akademisë Pandev (0-1), skuadra tetovare u kthye sot në fushë me mendësinë fitimtare dhe ia doli të mposhtë në derbi Renovën me rezultatin e thellë 3-0 dhe me 3-pikëshin e këtij takimi, jo vetëm mban kryesimin, por shkon në 40 pikë, 5 më shumë se Vardari ndjekës.

Ky i fundit u ndal në barazim 0-0 nga Akademia Pandev. Për tetovarët shënuan Valmjir Nafiu në pjesën e parë dhe Besmir Bojku e Omar Ymeri në pjesën e dytë, duke korrur një sukses të rëndësishëm për objektivat madhorë sezonalë, pra për titullin. Natyrisht, kjo fitore e ndihmon Shkëndijën jo vetëm të jetë dominuese absolute në derbin e Tetovës me Renovën, por njëherësh të mbajë distancë me Vardarin ndjekës.

Në kuadër të javës së 18-të në kampionatin e Maqedonisë, Shkupi, një tjetër skuadër shqiptare, mposhti 2-0 Rabotniçkin, duke marrë një 3-pikësh me vlerë të madhe, sepse ngjitet në vend të 5-të me 23 pikë. Kurse Renova, pas kësaj humbjeje përballë Shkëndijës, mbetet në vend të shtatë, me 21 pikë, po aq sa Makedonija GJP e vendit të 6-të.

Superliga e Maqedonisë

Java e 18-të

Rabotniçki – Shkupi                                     0-2

Renova – Shkëndija Tetovë                       0-3

Sileks – Belasica Strumica                         1-0

Akademija Pandev – Vardar Shkup         0-0

Pobeda – Makedonija GjP                           0-2

Renditja:

Nr. Skuadra                           Pikë

1. Shkëndija Tetovë 40
2. Vardari Shkup              35
3. Akademija Pandev       30
4. Rabotniçki                      26
5. Shkupi                            23
6. Makedonija                    21
7. Renova                           21
8. Sileks                              18
9. Pobeda                           17
10. Belasica             17