Kampionati Kombëtar i Shahut për Të Rritur dhe Të Rritura, që është duke u zhvilluar në Qendrën Rinore pranë Dhomës së Tregtisë dhe Industrisë në Tiranë, ka luajtur turin e 5-të dhe të 6-të për meshkuj dhe të pestin për femra.

Ajo që bie në sy është fakti se është shkëputur Ilir Seitaj, i cili pas 6 raundesh ka 5.5 pikë, ndërsa nga pas ka Paskun me 5 pikë, Ashikun me 4.5 pikë dhe Mehmetin me 4 pikë.

Seitaj dje ka fituar ndaj dy rivalëve të drejtpërdrejtë si Pasku e Mehmeti dhe duket i sigurt në rrugën e tij drejt titullit. Sikuse dhe Alda Shabanaj për femra, që tashmë ka 4 pikë.

Ka dalë jashtë luftës për titull Gjergji, që është mundur nga Eglantina Shabanaj, ndërsa pretendojnë ende Kërçiku e Tuzi. Përfundimisht Seitaj e Alda Shabanaj duken më pranë titullit kampion, ndërsa kampionati përfundon më 10 shtator.

Kampionati Kombëtar i Shahut

për Të Rritur dhe Të Rritura

Meshkuj

Rezultatet teknike të Turit të 5-të:

Ashiku – Paci                       1-0

Mehmeti – Seitaj                  0-1

Pasku – Beqiri                      1-0

Miço – Bregu                                    0.5-0.5

Bushi – Rama                      0.5-0.5

Disha – Kabo                        (fiton Disha në tavolinë)

Rezultatet teknike të Turit të 6-të

Paci – Rama                         0-1

Disha – Bushi                      0.5-0.5

Beqiri – Miço                         0-1

Seitaj – Pasku                      1-0

Ashiku – Mehmeti                0-1

Bregu – Kapo                       (fiton Bregu në tavolinë)

Femra

Rezultatet teknike të Turit të pestë:

A. Shabanaj – E. Shqau 1-0

E. Shabanaj – Gjergji 1-0

Shuqja – Tuzi                       0-1

Kërçiku – O. Shqau             1-0

Caka                                       pushim