Fund Olimpiada, Shqipëria s’ndryshon asgjë, është si dy vjet më parë në Tromso. Lëvizin vetëm pozicionet në renditje në shah, ndërsa për djem jemi rritur me tre vende, kurse për vajza një vend, si dhe numrat e fitoreve, barazimeve dhe humbjeve.

Edhe pse e kemi nisur me fitore në tavolinën e parë nga Eglantina Shabanaj, më pas jemi mundur në tre ndeshjet e tjera, teksa kanë humbur njëra pas tjetrës Rozana Gjergji, Alda Shabanaj dhe Bruna Tuzi.

E për rrjedhojë e kemi humbur ndeshjen e fundit me Malin e Zi, 3-1. Për rrjedhojë kemi rrëshqitur 11 vende në renditjen e përgjithshme, ndërsa Shqipëria e femrave, me 10 pikë në 11 ture, e ka përfunduar garën në vendin e 80-të mes 140 pjesëmarrësve.

Në pikë tavoline numërohen gjithsej 20 pikë, që vijnë nga Eglantina Shabanaj, 5 pikë në 10 ndeshje, Rozana Gjergji, 5 pikë në 11 ndeshje, Alda Shabanaj 4 pikë në 10 ndeshje, Bruna Tuzi, 4.5 pikë në 9 ndeshje dhe Suzana Kërçiku, 1.5 pikë në 4 ndeshje.

Përfundimisht Shqipëria e femrave e ka mbyllur me humbje.

Olimpiadës Botërore e Shahut

“Baku – Azerbajxhan 2016”

Rezultatet teknike të turit të 11-të:

Femra

Shqipëri – Mali i Zi                                                               1-3

Eglantina Shabanaj – Aleksandra Miloviç (F/MN)         1-0

Rozana Gjergji – Tijana Blagojeviç (F/MN)                      0-1

Alda Shabanaj – R.Marija Stojanoviç (F/MN)                 0-1

Bruna Tuzi – Lidija Blagojeviç (F/MF)                              0-1