Një mjeshtër i madh ndërkombëtar nga Mali i Zi, me koeficientin ELO 2460, është bërë pjesë e Naftëtarit. Bëhet fjalë për Milan Drashkon, që ka ardhur sipas trajnerit të kuçovarëve miqësisht dhe pa para thjesht për të ndihmuar skuadrën kuçovare që të dalë kampione e Shqipërisë.
Nuk është hera e parë që një i huaj bëhet pjesë e skuadrave shqiptare të shahut, sepse vite më parë ka pasur Butrinti edhe bullgarin Petar Genov, të cilin e ka pasur si përforcim në Kupën e Kampioneve. Dhe sfida e sotme mes Naftëtarit e Butrintit duket se do të vendosë shumë gjëra për skuadrën që do të dalë “kampion”.
Në një garë që, pas fitores së kuçovarëve dje me Elbasanin, duket se është përqendruar totalisht mes Naftëtarit dhe Butrintit. E skuadra kuçovare ka në gjirin e vet edhe Mjeshtrin e Madh Ndërkombëtar të Shqipërisë, Erald Dervishin, siç ka Zeqir Sulën e Franc Ashikun e të tjerë.
Pa harruar që Butrinti ka Dritan Mehmetin dhe Oltion Vatën. Pra një sfidë interesantë për titull sot. E malazezi Drashko ka premtuar që vetëm pas kësaj sfide do të flasë për Sport Ekspres, ndërkohë që të shtunën do të zhvillohet dhe kampionati i Blicit (lojë e shpejtë 5 minutëshe), ndërsa ekiporja përfundon të dielën.
Kampionati Kombëtar
Ekipor i Shahut 2016
Rezultatet teknike të 4 tureve të para:
Turi i parë:
Naftëtari – Roskoveci 2.5-1.5
Teuta – Valbona 2-2
Skrapari – Veleçiku 2-2
Elbasani – Akademia 3-1
Butrinti – Partizani 2.5-1.5
Turi i dytë:
Roskoveci – Partizani 2-2
Akademia – Butrinti 0.5-3.5
Veleçiku – Elbasani 1-3
Valbona – Skrapari 1-3
Naftëtari – Teuta 3-1
Turi i tretë:
Teuta – Roskoveci 2-2
Skrapari – Naftëtari 0.5-3.5
Elbasani – Valbona 2.5-1.5
Butrinti – Veleçiku 3.5-0.5
Partizani – Akademia 3-1
Turi i katërt:
Roskoveci – Akademia 3.5-0.5
Veleçiku – Partizani 1.5-2.5
Valbona – Butrinti 1.5-2.5
Naftëtari – Elbasani 4-0
Teuta – Skrapari 2-2
Renditja pas 4 turesh:
Butrinti dhe Naftëtari 8 pikë, Elbasani 6 pikë, Partizani 5 pikë, Roskoveci dhe Skrapari 4 pikë, Teuta 3 pikë, Valbona dhe Veleçiku 1 pikë dhe Akademia 0 pikë
