Dijon Peposhi, që merr pjesë për herë të parë në Kampionatin Evropian të shkollave, nuk e ka nisur mirë garën e tij, teksa është mundur nga anglezi Shlok Verna. Më pas ka rikuperuar gjithçka me dy fitore radhazi, fillimisht me rusin V. Kiril Dunaev, dhe, më pas, me turkun Artun Kazim Usta.
Mirëpo nuk ndodh e njëjta gjë me turkun tjetër Egehan Jildiz. Dhe një fitore tjetër me grekun Gkogkolas, për t’u rrëzuar në turin e 6-të përballë rusin Sava Vetokin. Me 3 pikë në 6 ture, Peposhi është në vendin e 11-të. Ndërkaq, në grupin e moshës deri në 9 vjeç, Adrian Guri e ka pasur me shumë luhatje garën e tij.
E ka nisur me humbje përballë turkut Efe Nazim Ozkesin. Më pas ka ardhur një fitore përballë grekut Georgios Tsuknikas, si dhe një barazim me turkun Nuri Tunxhai. Ndërkohë humbja me gjermanin Robert Prieb duket sikur trondit, por fitorja me rusin Aleksei Lushkin ka dhënë shpresë.
Veçse dje është mundur nga rusi Stepan Kalinishev. Kësisoj me 2.5 pikë në 6 ture ndodhet në vendin e 28-të. Përgjithësisht një Evropian shkollash i mirë për shqiptarët, ku dallimin e bën Klean Shuqja.
