ASNN – Dopingu i trurit është sfida më e fundit e drejtësisë sportivedhe e vetë sportit. Ky koncept konsiston jo më përdorimi në përdorimin e substancave mjekësore që stimulojnë sportistët në aspektin fizik, por përdorimin e impulseve elektrike që stimulojnë drejtpërdrejt zonat e caktuara të trurit. Sa më e madhe bëhet dëshira për lavdi në sport, aq më e ashpër bëhet beteja për të arritur suksesin dhe aq më të sofistikuara bëhen edhe mënyrat e dopingut për t’i shtyrë sportistët përtej mundësive të tyre fizike.

Shkenca përparon me hapa të jashtëzakonshëm, edhe në këtë drejtim dhe ajo për të cilën për flasin gjithnjë e më tepër mjekët është dopingu i trurit. Pra, jo më përdorimi i substancave mjekësore që stimulojnë sportistët në aspektin fizik, por përdorimi i pajisjeve që stimulojnë drejtpërdrejt zonat e caktuara të trurit. Një eksperiment i tillë po kryhet në Kaliforni, në San Francisko, ku një institucion kërkimor neuro-shkencor ka testuar në sportistë të disiplinave dimërore, stimulimin e trurit me impulse elektrike.

Sipas shkencëtarëve, kjo metodë stimulon zonat e trurit me qëllim përsosjen e aftësive të sportistit, ndërsa, në të njëjtën kohë, mprijen e atyre zonave që perceptojnë lodhjen. Me pak fjalë, nëpëmjet kësaj metode, synohet shtyrja në maksimum e kufinjve njerëzorë në sport dhe mbetet për t’u parë sesa e ligjshme është një praktikë e tillë dhe, nëse jo, cilat janë ndëshkimet që do të parashikojë drejtësia sportive. Në të njëjtën kohë, mjekë të tjerë kanë ngritur zërin sa i përket dëmeve shëndetësore që metoda të tilla u shkaktojnë sportistëve, sidomos atyre të të rinj, në planin afatgjatë.