ASNN – Tashmë është zyrtare. Reali i Madridit dhe Sergio Ramos kanë arritur marrëveshje për vazhdimin e kontratës deri në vitin 2020. Lajmi është konfirmuar nga faqja zyrtare e Realit, ndërsa lojtari dhe klubi e nënshkruan kontratën e re në një ceremoni të mbajtur në orën 13:30.
Ramos ka nëshkruar një kontratë të re 5-vjeçare me skuadrën, që do ta mbajë atë tek Reali deri më 2020-tën. Nga marrëveshja e re, ai do të përfitoj 10 milionë euro në sezon, duke u bërë kështu lojtari i tretë më i paguar tek madrilenët, pas Kristiano Ronaldos dhe Gareth Bejlit.
“Të veshësh këtë fanellë është privilegj dhe ne kemi arritur marrëveshje që ta vazhdojmë edhe më tej bashkëpunimin. Nënshkrimi i kontratës së re ka zgjatur pak, por unë me mendje dhe zemër gjithnjë kam qenë këtu”, – ka deklaruar futbollisti madrilen pas rinovimit të kontratës me Realin.
