ASNN – Kampionati Kombëtar i Volejbollit, si për meshkuj, ashtu edhe për femra, hyn së shpejti në fazën e tij finale, atë që është vendimtare për fatet e sezonit. Të shtunën, u luajtën ndeshjet e javës së 16-të tek meshkujt dhe javës së 12-të tek femrat, ku padyshim në grupin e parë “ligjin” e bën Erzeni i Shijakut, i cili mposhti së fundmi Farka Volej me rezultatin 3-0 dhe mban i shkëputur kreun e renditjes me 39 pikë, 6 pikë më shumë sesa Vllaznia e vendit të dytë.

Një fitore të rëndësishme tek meshkujt korri edhe Vllaznia, e cila mundi Tiranën 3-2, duke konsoliduar pozitat në vend të dytë, megjithëse Tirana e vendit të tretë është shumë afër, vetëm 2 pikë larg (33-31). Sa u takon ndeshjeve të tjera Partizani mundi 3-0 Teutën, në një ndeshje ku durrsakët vetëm regjistrojnë humbjen e radhës dhe nuk i largohen vendit të fundit me zero pikë, kurse Studenti mundi Skënderbeun 3-0 për t’u afruar në renditje.

Por jo mjaftueshëm, sepse skuadra korçare mban vendin e katërt në renditje me 25 pikë e Studenti i Altin Demit ka 21 pikë. Ndërkohë, tek femrat, Mirdita është thuajse e pandalshme. Ajo mundi të shtunën një rival direkt si Partizani, me rezultatin 3-2, duke ruajtur me fanatizëm kreun e renditjes, por vetëm me një pikë më shumë sesa Barleti Volej (29-28). Skuadra e trajnerit Hasan Gurabardhi mundi Teutën 3-0 dhe mban vendin e dytë.

Fitore të rëndësishme në kuadër të javës së 12-të korrën edhe Vllaznia që mundi Lushnjën 3-1, si dhe Tirana që mundi Skënderbeun 3-0. Duhet thënë se tek femrat rivaliteti është më i madh se tek meshkujt, pasi Mirdita ka shqetësimin nga poshtë të disa skuadrave si Barleti, Tirana dhe Partizani dhe diferenca e pikëve është mjaft e ngushtë. Javët në vijim janë përcaktuese, por vlerë kanë më shumë duelet direkte. Lufta edhe në këtë kategori bëhet për top-4, që siguron vazhdimësi në pretendime.

Kampionati Kombëtar

i Volejbollit – Femra

Grupi A1

E shtunë, 16 mars 2019:

Vllaznia – Lushnja               3-1

(25-16, 17-25, 25-13, 25-14)

Tirana – Skënderbeu           3-0

(25-15, 25-18, 25-13)

Barleti Volej – Teuta             3-0

(25-21, 25-17, 25-22)

Mirdita – Partizani                 3-2

(21-25, 26-24, 25-20, 13-25, 15-12)

Renditja:

Nr.       Skuadra         F.         H.        Sete                Pikë

1. Mirdita            10          2        32-13              29
2. Barleti Volej     9          3        33-14              28
3. Tirana              9          3        30-11              27
4. Partizani          8          4        29-18              24
5. Vllaznia           5          7        19-27              14
6. Skënderbeu    4          8        14-29              10
7. Teuta                3          9        13-28              10
8. Lushnja           0        12          5-36                2

Kampionati Kombëtar

i Volejbollit – Meshkuj

Java e 16-të

E shtunë, 16 mars 2019:

Teuta – Farka Volej              3-0

(25-22, 25-17, 25-18)

Vllaznia – Tirana                   3-2

(27-29, 25-20, 25-16, 23-25, 15-10)

Partizani – Teuta                   3-1

(21-25, 25-9, 25-14, 25-10)

Studenti – Skënderbeu       3-0

(25-20, 25-18, 25-17)

Renditja

Nr.       Skuadra         F.         H.        Sete                Pikë

1.        Erzeni                        13          1        41-8                39
2. Vllaznia         12          1        37-13              33
3. Tirana             10          4        36-20              31
4. Skënderbeu    8          5        29-19              25
5. Studenti           7          7        23-25              21
6. Partizani          6          7        24-22              19
7. Farka Volej      3        10        14-32                8
8. Elbasani          1        12          8-36                4
9. Teuta                0        13          1-39                0