ASNN – Pas shtyrjes me një javë për shkak të mosshlyerjes së detyrimeve financiare, niveli i dytë i Kampionatit Kombëtar të Futbollit, që njihet si Kategoria e Parë, ka nisur të shtunën gjysmën e dytë të sezonit me ndeshjet e javës së 14-të në të dy grupet e tij. Në grupin A, apo grupin e Veriut, gjendja ka ndryshuar në renditje pak ditë më parë, ende pa u luajtur asnjë ndeshje, pasi Kastriotit kryesues deri dje, i janë zbritur 3 pikë nga ana e FIFA-s, për mospërmbushje të detyrimeve kontraktore me një ish-lojtar.

Në takimet e javës së 14-të, spikati sfida e skajeve midis Besëlidhjes tanimë kryesuese dhe Mamurrasit të vendit të fundit, që u mbyll me rrjeta të paprekura, ndërsa një tjetër sfidë të kundërtash është edhe ajo midis Burrelit dhe Korabit, që u fitua nga miqtë me një gol të vetëm, falë 11-metërshit të saktë të Mziut. Një rezultat që e ngjit ekipin nga Peshkopia në krye me 31 pikë, ndërsa me barazimin pa gola në vizitën në Mamurras, Besëlidhja pozicionohet e dyta me një pikë më pak.

Kastrioti ka synuar dhe ia ka dalë t’i rikuperojë sa më shpejt pikët e humbura, kur ka pritur në fushën e vet Adën e Velipojës dhe duke e mundur atë me rezultatin 3-0. Krutanët tanimë ndajnë vendin e dytë me lezhjanët, me nga 30 pikë, një më pak sesa dibranët e kreut. Barazim me rezultatin 1-1 edhe në ndeshjen ndërmjet Erzenit dhe Kamzës. Epërsisë së ekipit nga Shijaku me Rezin në të 66-ën minutë, miqtë iu përgjigjën në kohën shtesë me golin e Mersinit.

Kategoria e Parë

Grupi A

Java e 14-të

(13 shkurt 2016)

Mamurrasi – Besëlidhja      0-0

Besa – Iliria Fushë-Krujë    1-1

Erzeni – Kamza                    1-1

Kastrioti – Ada Velipojë       3-0

Burreli – Korabi                    0-1

Renditja

Nr.       Skuadra                     N.        F.         B.        H.        Gsh-Gp          Pikë

1. Korabi Peshkopi 14        10        1          3        20-6                31
2. Kastrioti Krujë 14        10        3          1        30-11              27*
3. Besëlidhja 14        9        3          2        26-11              30
4. Erzeni Shijak 14        7        2          5        20-13              23
5. Besa 14        5        4          5        18-17              19
6. Kamza 14        4        5          5        13-17              17
7. Iliria Fushë-Krujë 14        5        2          7        20-21              17
8. Burreli 14        3        3          8        11-21              12
9. Ada Velipojë 14        1        5          8        12-31              8
10. Mamurrasi 14        0        4          10        6-28              4

* Kastriotit i janë hequr 3 pikë nga FIFA