Në përfundim të Çmimit të Madh të Japonisë, “Mercedes”i siglon titullin e tretë radhazi të fitimit të Kampionatit Botëror. Ndërkohë, flasin pilotët pas përfundimit të garës nëN.
N. Rosberg (Mercedes) – “Një fundjavë fantastike, shumë e madhe që nga dita e parë dhe shumë speciale që të fitosh në këtë pistë legjendare. Falënderoj skuadrën për Botërorin e tretë radhazi të fituar përpara kohe. Titulli për mua? Sezoni është ende i gjatë dhe duhet të administrojmë energjitë.”
M. Verstapen (Red Bull) – “Kishte shumë trafik, por kemi arritur të ecim shumë fort në sprintin e fundit. Është pozitive të arrish të rivalizosh me “Mercedes”-in. Vendi i dytë i kënaqshëm.”
L. Hemilton (Mercedes) – “Falënderoj skuadrën. Nuk jam shumë i kënaqur për garën time. Të rikuperoj diferencën e krijuar me Rosbergu? Unë do të jap gjithçka që kam, do të shohim se çfarë do të ndodhë.”
S. Fetel (Ferrari) – “Do të më kishte pëlqyer të isha ngjitur në podium. Kemi luftuar shumë për vendin e dytë në renditje, pastaj kemi vendosur të shkojmë dhe më larg, shpresonim që gomat e buta të zgjasnin sa më shumë. Kemi vendosur të bëjmë dy pit stop, nuk kisha objektiv të ndiqja Verstapenin. Ka shumë pritshmëri pozitive këtu në Japoni, duhet të kishim treguar të njëjtën gjë edhe në prova zyrtare. Unë dhe Kimi mund të ishim të dy në podium”.
K. Raikonen (Ferrari) – “Makina ka shkuar mirë. Të zhgënjyer duke menduar se çfarë ka ndodhur në provat zyrtare? Sigurisht, nëse do të kishim qenë përpara gjërat do të kishin shkuar më mirë, por nuk mund të bëja asgjë”.
