ASNN – Është përcaktuar mbrëmë edhe finalja e basketbollit për meshkuj, që do të jetë SHBA-Serbi. Të gjitha veprimtaritë sportive të “Rio 2016” po transmetohen drejtpërdrejt nga Rrjeti i Radio-Televizionit Shqiptar.
Kështu, në basketboll për meshkuj Shtetet e Bashkuara të Amerikës kanë mundur në gjysmëfinale Spanjën me rezultatin 82-76. Amerikanët bëhen kështu finalistët e parë drejt titullit “kampionë olimpikë”.
Në ndeshjen tjetër gjysmëfinale Serbia ka mundur 87-61 Australinë. Kështu, në finalen e titullit “kampion olimpik” do të ndeshen SHBA-Serbi. Ashtu si çdo ditë, të gjitha veprimtaritë sportive të Lojërave të 31-ta Olimpike janë transmetuar drejtpërdrejt nga tre kanalet televizive të Rrjetit të Radio-Televizionit Shqiptar.
