Italia ka përuruar dje pjesën e saj në fshatin olimpik në Rio e për këtë ka ardhur Kryeministri i vendit, Mateo Renzi, i cili në një farë mënyre e ka cilësuar sportin si paqësor në botë. Madje ka ardhur dhe me një ide për rritjen e kandidaturës së Romës për zhvillimin e Lojërave Olimpike më 2024-ën.

Përtej kësaj, jo vetëm kryeministri i Italisë, Mateo Renzi, por dhe Presidenti i Komitetit Olimpik të Italisë, Malago, nuk i kanë shpëtuar fotove me delegacionin kuqezi. Shefi i misionit të Shqipërisë në Lojërat Olimpike “Rio de Zhaneiro 2016”, Gjergji Ruli, por dhe mjeku Mel Ostreni kanë bërë foto.

Madje Ostreni i ka koleksionit të tij të fotove dhe një me flamurmbajtësen e Italisë në ceremoninë e hapjes së Lojërave Olimpike “Rio de Zhaneiro 2016”, notaren Federika Pelegrini. Pa harruar këtu dhe dy yjet e tenisit amerikan, motrat Serena dhe Venus Uilliams. Kësisoj rritet miqësia e delegacionit kuqezi me pjesën tjetër të botës…

Delegacioni olimpik shqiptar në “Rio 2016”:

1)       Luiza Gega               Atletikë

2)       Taulant Stërmasi      Trajner

3)       Izmir Smajlaj              Atletikë

4)       Vildan Tufi                Trajner

5)       Sidni Hoxha              Not

6)       Nikol Merizaj             Not

7)       Sadik Mema              Trajner

8)       Briken Calja              Peshëngritje

9)       Leonard Toska         Trajner

10)      Gjergji Ruli                Shefi i Misionit

11)      Kliton Muça               Zyrtar

12)      Mel Ostreni                Mjek

13)      Sidita Hoxholli          Fizioterapiste

14)      Elez Gjoza                 Zyrtar/President i Federatës Shqiptare të Peshëngritjes

15)      Evangjeli Veli           Peshëngritëse

16)      Sokol Bishanaku     Trajner