ASNN – Ndonëse ceremonia e hapjes mbahet të premten të mbrëmje, duke gdhirë e shtuna, në ora 01:00 pas mesnate, Lojërat e 31-të Olimpike Verore kanë nisur dje me turneun e futbollit të femrave. Rrjeti i Radio-Televizionit Shqiptar, i cili është edhe transmetuesi zyrtar i këtyre Lojërave Olimpike në Shqipëri, ka sjellë për sportdashësit 3 prej këtyre ndeshjeve.

Edhe pse duan edhe dy ditë ta ngrenë zyrtarisht siparin e tyre, Lojërat Olimpike “Rio 2016” kanë nisur me turneun e futbollit të femrave, edhe sepse janë një numër më i madh skuadrash, por dhe ndeshjesh, të cilat duhen luajtur sa më shpejt. Rrjeti i Radio-Televizionit Shqiptar, i cili është edhe transmetuesi zyrtar i këtyre Lojërave Olimpike në territorin e Shqipërisë, ka sjellë për sportdashësit 3 prej këtyre ndeshjeve.

Kështu, Kanadaja, edhe pse me dhjetë futbolliste, e ka gjetur mënyrën ta mundë Australinë, 2-0. E kjo falë golave të Beki, në të parën minutë, dhe Sinklerit në të 80-ën. Madje edhe pse ka luajtur për më shumë se sa 71 minuta me një lojtare më pak, kur në minutën e 19-të është ndëshkuar me karton të kuq Zandorski. Kurse duke nisur nga ora 18:00, është luajtur takimi midis Suedisë dhe Afrikës së Jugut.

Ky takim, i vlefshëm për grupin E, që është fituar minimalisht nga nordiket, ndërsa e ka zgjidhur ndeshjen Fisher në minutën e 76-të. Ndërkaq, duke nisur nga ora 21:00, po në kuadër të këtij grupi, është luajtur superdueli Brazil-Kinë, që është fituar nga amerikanolatinet me rezultatin 3-0. Ndërsa sfida e tretë, është ajo që është luajtur duke nisur nga ora 23:00, midis Zimbabves dhe Gjermanisë.

Kjo ndeshje, pamje të së cilës na përcjell kjo kronikë, është fituar thellësisht nga gjermanet me shifrat 6-1. Edhe të enjten Rrjeti i Radio-Televizionit Shqiptar do të sjellë 3 ndeshje të tjera të Turneut Olimpik të futbollit të Femrave, për të kulmuar të premten, duke gdhirë e shtuna, në ora 01:00 pas mesnate, me spektaklin e Ceremonisë së Hapjes. Sot nis dhe turneu i futbollit për djemtë.

Lojërat e 31-ta Olimpike Verore “Rio 2016”

Turneut i futbollit të femrave

Grupi E

Dje:

Suedi – Afrikë e Jugut                    1-0

Brazil – Kinë                                     3-0

Renditja

Nr.       Skuadra                     N.        F.         B.        H.        Gsh-Gp          Pikë

1. Brazili                         1          1          0          0          3-0                  3
2. Suedia                       1          1          0          0          1-0                  3
3. Afrika e Jugut           1          0          0          1          0-1                  0
4. Kina                            1          0          0          1          0-3                  0

Grupi F

Dje:

Kanada – Australi                            2-0

Zimbabve – Gjermani                      1-6

Renditja

Nr.       Skuadra         N.        F.         B.        H.        Gsh-Gp          Pikë

1. Gjermania 1          1          0          0          6-1                  3
2. Kanadaja 1          1          0          0          2-0                  3
3. Australia 1          0          0          1          0-2                  0
4. Zimbabve 1          0          0          1          1-6                  0

Grupi G

Sot:

SHBA – Zelandë e Re        (00:00)

Francë – Kolumbi                (03:00)