Atletika ka dhënë medaljet e para olimpike në Rio. Në 10,000 metra një dominim total i etiopianëve, por një e tillë ka ndodhur dhe në 20 kilometra ecje sportive, që ka dhënë fitoren e kinezëve. Por ngjarja e ditës është paraqitja e jashtëzakonshme e etiopianes Almaz Ajana, që ka thyer rekordin e botës në 10.000 metra me 14 sekonda e 33 të qindtat.
Programi i Atletikës në Lojërat e 31-ta Olimpike “Rio de Zhaneiro 2016” ka nisur menjëherë fort dhe me rezultate befasuese. Etiopiania Almaz Ajana fiton medaljen e artë në 10000 metra për femra duke thyer dhe rekordin botëror të kësaj gare. Nga 29’31”78 në 29’17”45, që do të thotë një thyerje me 14”33 të qindtat. Ndërkohë, etiopiania ka lënë nga pas kenianen Sheruijot me kohën 29’32”53.
Por edhe bashkëatdhetaren e saj Dibaba me 29’42”59. Në të njëjtën garë ka qenë e pafat e kaltërta Veronika Ingleze, që e kishte debutimin e saj në Lojërat Olimpike, ndërsa rrëzuar gjatë garës dhe e ka përfunduar e 30-ta me kohën 32’11”67. Ndërkaq, Kina ka marrë medalje të dyfishtë në 20 kilometra ecje sportive, teksa ka fituar Uong Zheng me 1h19’14”, i cili ka qenë përpara Cai Zelinit 1h19’26”.
Vang, medalje e bronztë në Lojërat Olimpike Londër 2012 dhe medalje argjendi në Botërorin e 2011-ës dhe 2015-ës, ka marrë titullin e tij të parë të madh. Australiani Dejn Bërd-Smith 1h19’37” ka thyer rekordin e tij personal, ndërsa i treti në ecjen sportive. Francezi Kevin Shampion e ka mbyllur i 49-ti me 1h26’22” shumë larg rekordit të tij 1h20’35”
Rezultatet teknike të garës së 10.000 metrave femra
1) Almaz Ajana (Etiopi) 29’17”45
2) Vivian Jepkemoi Sheruijot (Kenia) 29’32”53
3) Tirunesh Dibana (Etiopi) 29’42”56
Rezultatet teknike të garës 20 kilometra ecje sportive meshkuj
1) Vang Zheng (Kinë) 1h19’14”
2) Cai Zelini (Kinë) 1h19’26”
3) Dane Bird-Smith (Australi) 1h19’37”
