ASNN – Vllaznia-Dinamo, të shtunën (15:00) dhe Apolonia-Elbasani,të dielën (15:00), takimet më të spikatura. Pas ndërprerjes për shkak të dhunës në Kategorinë Superiore, por edhe bojkotit eventual të gjyqtarëve, edhe niveli i dytë i Kampionatit Kombëtar të Futbollit, Kategoria e Parë, rikthehet në fundjavë në fushën e blertë me takimet e javës së 22-të në të dy grupet e saj.

Në grupin A, apo grupin e Veriut, në nëngrupin e “play-off”-it, spikat përballja historike Vllaznia-Dinamo, që do të luhet të shtunën. Kjo ndeshje do të sillet për sportdashësit drejtpërdrejt nga Rrjeti i Radio-Televizionit Shqiptar, duke nisur nga ora 15:00. Po për këtë nëngrup, Erzeni përballet me Korabin, ndërsa për nëngrupin e “play-out”-it,  të dielën, duke nisur nga ora 15:00, luhen duelet Burreli-Iliria e Fushë-Krujës dhe Veleçiku i Koplikut-Vora.

Ndërkaq, në Grupin B, apo grupin e Jugut, në nëngrupin e “play-off”-it, të shtunën, duke nisur nga ora 15:00, luhen duelet Bylis-Oriku dhe Besa e Kavajës-Lushnja. Po të shtunën, në nëngrupin e “play-out”-it luhet takimi Pogradeci- Turbina, kur të dielën, luhet përballja Apolonia-Elbasani. Kjo ndeshje, që do të luhet në Fier, do të sillet për sportdashësit drejtpërdrejt nga Rrjeti i Radio-Televizionit Shqiptar, duke nisur nga ora 15:00.

Kategoria e Parë

Java e 22-të:

Grupi A

“Play-off”-i

16 mars 2019:

Vllaznia – Dinamo                (15:00)

Erzeni – Korabi Peshkopi   (15:00)

“Play-out”-i

17 mars 2019:

Burreli – Iliria Fushë-Krujë  (15:00)

Veleçiku Koplik – Vora                    (15:00)

Grupi B

“Play-off”-i

16 mars 2019:

Bylis Ballsh – Oriku              (15:00)

Besa Kavajë – Lushnja        (15:00)

“Play-out”-i

16 mars 2019:

Pogradeci – Turbina             (15:00)

Apolonia – Elbasani             (15:00)