ASNN – Reshjet e shiut, ndeshja Dinamo City-Teuta do të shtyhet në ora 18:00. Departamenti i Garave në Federatën Shqiptare të Futbollit (FSHF) ka bërë të ditur se, për shkak të kushteve atmosferike do të ketë një ndryshim të orarit për ndeshjen Dinamo City-Teuta.
Sfida e vlefshme për javën e 27-të të Kategorisë Superiore të Kampionatit Kombëtar të Futbollit ishte parashikuar të luhej në orën 17:00 në Stadiumin “Niko Dovana” të Durrësit, por shkak të reshjeve të mëdha të shiut do të spostohet me një orë dhe do të nisë ora 18:00.
