ASNN – Shqipëria mban vendin e 22-të në renditjen e FIFA-s për muajin korrik, ndërkohë që ky pozicion pritet të ruhet për muajin gusht. Një ecuri e tillë e përfaqësueses bazohet në rezultatet e deritanishme të saj në grupin I të Eliminatoreve për Evropianin e ardhshëm “Francë 2016”.
Por përfaqësuesja mund të thyejë një tjetër rekord nëse arrin rezultate pozitive në dy përballjet e shtatorit ndaj Danimarkës dhe Portugalisë. Një fitore me danezët mund të çojë ekipin tonë në vendin e 15-të në renditjen e FIFA-s, gjë që do të ishte diçka e mrekullueshme për ekipin kuqezi.
Nën drejtimin De Biazit, Kombëtarja ka përmirësuar në këto eliminatore plot 50 vende, ku në katër takime ka siguruar 3 fitore dhe një barazim.
