Trajneri i të kaltërve, Brunel, e ka thirrur lezhjanin, i cili që nga vera është pjesë e Beneton Trevizos, ndërsa është parashikuar në formacion përballë Francës në ndeshjen e parë jashtë fushe të vitit. Ornel Gega është shqiptari që sot do të debutojë për Italinë në regbi në ndeshjen e parë jashtë fushe të turneut të “Gjashtë Kombeve”, ndërsa të kaltrit do të jenë përballë Francës.

Pikërisht trajneri i përfaqësueses së të kaltërve, Brunel, edhe duke e parë paraqitjen e mirë që Gega është duke bërë me Beneton Trevizon, skuadër në të cilën është rikthyer në verë, ka menduar ta marrë, ndërsa cilësohet si një nga risitë e përfaqësueses së Italisë. Gega është një nga shqiptarët që debutojnë në regbinë italiane. Verën e kaluar, durrsaku i famshëm, Ogert Pako, është thirrur në një ndeshje miqësore mes veteranëve të Italisë.

Pa thënë që pjesa më e madhe e kombëtares së Shqipërisë në regbi prej nga nis fillesa për hapjen e këtij sporti në vend, është pikërisht në shtetin përtej Adriatikut nën drejtimin e Gaspër Daupit. Dhe Ornel Gega është një shenjë që edhe shqiptarët dinë ta luajnë këtë sport.

E jo më kot, jo më larg se dhjetë ditë përpara, në mjediet e Komitetit Olimpik Kombëtar Shqiptar kanë mbërritur dy përfaqësues të këtij sporti (një ish-lojtar dhe një trajner i femrave). Sepse ata e dinë që shqiptarët e luajnë këtë sport, ndërsa Ornel Gega, si njëri prej tyre, është dhe pjesë e jona.

Formacionet e mundshme Francë – Itali

(sot në “Sont’Denis”, ora 15:25)

Franca: Arus, Guirardo, Slimani, Jedrasiak, Maestri, Lauret, Shouli, Pikamoles, Bezi, Plison, Vakatava, Danti, Fikou, Boneval, Medard

Italia: Lovoti, GEGA, Çitadini, Biaxhi, Fuzer, Minto, Zani, Parise, Gori, Cana, Belini, Garcia, Kampanjaro, Sarto, Odiete

Turneu i Gjashtë Kombeve në Regbi

Java e parë:

Të shtunën:

Francë – Itali                         ora 15:25

Skoci – Angli                                    ora 16:50

Të dielën:

Irlanda – Uells                      ora 15:00