ASNN – Klubi i Realit të Madridit ka larguar nga drejtimi trajnerin Karlo Ançeloti. Lajmi është bërë i ditur nëpërmjet një konference për shtyp nga vetë presidenti i klubit madrilen, Florentino Perez.
Kështu, Karlo Ançeloti nuk do të jetë më trajneri i Realit të Madridit. Ka qenë vetë presidenti i skuadrës madrilene që ka bërë të ditur lajmin nëpërmjet një konference për shtyp. “Nuk ka qenë e lehtë për ne që të marrim këtë vendim”, – ka thënë Perez.
“Por mendojmë se ekipi ka nevojë për një impuls të ri, – ka vijuar ai. – Në ditët në vijim do të njiheni me emrin e trajneri të ri”. Ndërkohë vetë Karlo Ançeloti ka deklaruar nëpërmjet profileve të tij zyrtare se: “Largohem me kujtimet më të mira për dy vitet që kam kaluar këtu në Madrid. I uroj suksese skuadrës”.
Po ashtu, ai ka shpjeguar më tej se do të bëjë një vit pushim për arsye shëndetësore, pasi ka probleme me venat dhe mendon të operohet në Kanada. Por duket se administratori i Milanit, Adriano Galiani nuk kërkon ta lërë t’i ikë ky rast. Ndaj është nisur për në Madrid për të bindur Ançelotin të rikthehet në Milano.
