ASNN – Të mërkurën, dy duele në RTSH Sport, Sevilja-Valencia (19:00) e Rajo Vajekano-Barcelona (21:00). Kupa e Spanjës, e njohur ndryshe edhe si Kupa e Spanjës, është një tjetër ekskluzivitet madhor i Rrjetit të Radio-Televizionit Shqiptar, që po sjell këtë mesjavë ndeshjet e turit të 16-shes. Dhe transmetuesi publik ka sjellë të mërkurën në mbrëmje drejtpërdrejt takimin e luajtur në Stadiumin “Benito Vijamarin” të Seviljes, midis Real Betisit dhe Real Sociadadit.
Kanë qenë miqtë ata që kanë kaluar në epërsi pas 13 minutash lojë, kur Mikel Ojarzabal ka përcjellë në rrjetë një pasim të Andoni Gorosabelit. Me këtë epërsi minimale do të mbyllen 45 minutat e para, ndërsa ato të dytat nisin praktikisht me një karton të kuq në dëm të skuadrës mike, pasi Asier Ijarramendi merr kartonin e dytë të verdhë dhe e lë skuadrën me 10 lojtarë. Por në minutën e 76-të, shembullin e tij e ndjek Antonio Sanabria i vendasve.
Ai merr gjithashtu kartonin e dytë të verdhë dhe e lë skuadrën e tij me 10 lojtarë. Me forcat të barazuara në fushë, janë vendasit më kërkues dhe Serxhio Kanales do të barazojë shifrat 11 minuta para fundit. Në barazim 1-1 do të mbyllet koha e rregullt, duke bërë që gjithçka t’u drejtohet dy pjesëve shtesë nga 15 minuta secila. Dhe në të parën, në minutën e 96-të, i futuri në fushë Borha Iglesias do të përmbysë shifrat në favor të Betisit.
Do të jetë i njëjti lojtar që do të realizojë golin e 3-të të vendasve dhe të dytin personal, në minutën e 111-të. Pavarsisht një goli të anuluar të Adnan Januzajt për miqtë në minutat e fundit, nuk ka më ndryshim rezultati dhe Real Betisi mposht Real Sociedadin 3-1 dhe siguron vendin në çerekfinale të Kupës së Spanjës, ndërsa të mërkurën do të vijnë në RTSH Sport dy duele të tjera, Sevilja-Valencia, duke nisur nga ora 19:00 dhe Rajo Vajekano-Barcelona, duke nisur nga ora 21:00.
