Shqipëria dhe Kosova kanë pasur rivalitet të madh në qitje në Kupën e Pavarësisë, e cila është zhvilluar në poligonin e shenjëtarisë në Pallatin e Sportit dhe Rinisë në Prishtinë. E kjo në kuadër të 8-vjetorit të Pavarësisë së Kosovës.

Garat janë zhvilluar në disiplinat e pushkës dhe pistoletës, 1×60 dhe 1×40. Në përgjithësi garat janë dominuar nga kosovarët, kurse për tanët më e mira ka qenë Edlira Shyti, e cila ka dalë e para në garën e pistoletës.

Më pas Olsi Avllazagaj ka zënë vendin e dytë në pushkë për meshkuj. Lumturi Pepa dhe Anila Sevo kanë ndarë vendin e dytë dhe të tretë në pushkë për femra, gjë që ka ndodhur dhe në pistoletë për meshkuj mes Agim Ramës dhe Arben Cerinës.

Dhe për të përfunduar me Anila Bogdanin në vendin e tretë të pistoletës. Delegacioni shqiptar është shoqëruar nga Presidenti i Federatës Shqiptare të Qitjes, Stefan Rufa, si dhe Sekretari i Përgjithshëm, Koço Mikerezi.

Kupës së Pavarësisë së Kosovës 2016

Qitje – Meshkuj & Femra

Rezultate teknike:

Pushkë – Meshkuj

Drilon Ibrahimi (Kosovë)                 556 pikë

Olsi Avllazagaj (Shqipëri)               536 pikë

Faruk Qerimi (Kosovë)                    519 pikë

Pushkë – Femra

Urata Rama (Kosovë)                      383 pikë

Lumturi Pepa (Shqipëri)                 377 pikë

Anila Sevo (Shqipëri)                      363 pikë

Pistoletë – Meshkuj

Nexhat Sahiti (Kosovë)                   559 pikë

Agim Rama (Shqipëri)                    558 pikë

Arben Cerina (Shqipëri)                 555 pikë

Pistoletë – Femra

Edlira Shyti (Shqipëri)                     372 pikë

Lumturie Rama (Kosovë)               370 pikë

Aida Bogdani (Shqipëri)                 355 pikë