Federata Shqiptare e Qitjes ka zhvilluar fundjavën e kaluar në poligonin e Klubit Shumësportësh “Studenti” Kupën “Rexhep Rama”. Gjithçka, sipas Sekretarit të Përgjithshëm të Federatës Shqiptare të Qitjes, Koço Mikerezi, ka qenë me armë ajri, sepse poligonet aktuale në vend nuk plotësojnë standardet për veprime me armë zjarri.

Për t’u evidentuar është fakti i pjesëmarrjes së Arben Kuçanës, qitësit që stërvitet e garon në Gjermani, dhe Manjola Koninit, e cila është në Itali. E të dy këta qitësa kanë dalë fituese në garën e pistoletës me ajër. Kurse për meshkuj kanë dominuar Olsi Avllazagaj dhe Anila Sevo.

E klubet pjesëmarrëse në këtë veprimtari ishin Teuta, Studenti, Tomori, Elbasani, Tirana dhe Flamurtarit, të cilat kanë sjellë së bashku 31 sportistë. Aktiviteti i radhës i qitjes shqiptare do të jetë Kupa e Pavarësisë më 19 nëntor, ku do të jetë dhe Kosova, si dhe disa veprimtari të disiplinës së qitjes me piatel në Berat.

Kupa “Rexhep Rama” 2016 – Qitje

Rezultatet teknike:

Qitje me pushkë ajër – Meshkuj

1)         Olsi Avllazagaj (Elbasani)              556 pikë

2)         Rajter Shima (Tirana)                      539 pikë

3)         Florenc Nuredini (Tirana)               535 pikë

Qitje me pushkë ajër – Femra

1)         Anila Sevo (Studenti)                      364 pikë

2)         Kristina Hanxhara (Studenti)         357 pikë

3)         Valbona Tuci (Studenti)                 345 pikë

Qitje me pistoletë ajër – Femra

1)         Manjola Konini (Studenti)              367 pikë

2)         Aida Mustafaj (Studenti)                 357 pikë

3)         Edlira Shyti (Tirana)                                    351 pikë

Qitje me pistoletë ajër – Meshkuj

1)         Arben Kuçana (Teuta)                    571 pikë

2)         Agim Ramo (Flamurtari)                 563 pikë

3)         Arben Cerina (Studenti)                 560 pikë