ASNN – Prishtina e ka fituar të shtunën ndeshjen kryesore të kësaj jave, duke triumfuar ndaj Besës me rezultatin 2-0. Mërgim Pefqeli e ka kaluar në epërsi ekipin bardhekaltër, ndërsa Endrit Krasniqi e ka shënuar golin e dytë në minutat shtesë, për t’ia siguruar një fitore të madhe ekipit të Lutz Lindemanit.

Ndërsa dueli tjetër, i zhvilluar sot ndërmjet Dritës dhe Gjilanit, përfundoi në barazim 1-1. Pas kësaj fitore, Prishtina merr kreun e tabelës së renditjes, me 34 pikë, një më shumë së Trepça ’89, e cila nesër luan kundër Llapit, kurse, Besa mbetet e 5-ta, në kuotën e 24 pikëve.

Ndërkaq, Drenica arrin në kuotën e 18-të pikëve dhe zë vendin e 8-të, aq sa ka edhe Gjilani, në vendin e 7-të.

Superliga e Kosovës në futboll

Java e 15-të:

Të shtunën:

Prishtina – Besa       2-0

Drenica – Gjilani       1-1

Të dielën:

Drita – Liria                 (13:00)

Trepça – Hajvalia      (13:00)

Llapi – Trepça ’89     (13:00)

Ferizaj – Feronikeli   (13:00)