ASNN – Është minuta e dytë kur Dhima i miqve gjuan lehtë, Miraka pret në pozicion. Kombinim i bukur i Laçkës me Çekiçin, ndërsa ky i fundit edhe mund të shënonte. Në minutën e 9-të, Topllari ka goditur shtyllën e portës pingule, topi prek vijën “fatale” të portës së Sopotit dhe kthehet në lojë. Dhjetë minuta më pas përsëri një rast i pastër për vendësit, atje ku Çekiçi i vetëm përballë portës mike nuk shënon dot. Deri në përfundim ka përpjekje nga të dyja skuadrat, por në përfundim 0-0.
Pjesa e dytë ka pothuajse ka pamjen e fillimit të takimit, gabimet në pasime nga të dy ekipet. Në minutën e 52-të, Topllari rrezikon, grushton Lamellari dhe një minutë më vonë është po ky futbollist, me kokë gjen rrugën e rrjetës. Mbas golit të dy ekipet lëvizin më shumë duke krijuar korridore në sulm. Në të 62-n minutë vjen një rast i pastër për Sopotin, Ballkoçi parakalon mbrojtjen dhe gjuajtja e tij përfundon jashtë rrjetës. Kundër përgjigjen vendasit me anën e Çekiçit, gjuajtja e të cilit devijohet nga portieri.
Pak më vonë Jahaj bashkëpunon me Topllarin në gjuajtjen e dënimit, grushton portieri librazhdas. Liqenorët organizohen më mirë, punojnë me pasime të gjata duke kërkuar golin e dytë, por ndodh e kundërta. Në një prej goditjeve të dënimit, Begei gjuan në portë, grushton Miraka, por Hoxha nga afër barazon. Përpjekjet e vendasve në minutat e mbetura kurorëzohen dhe me golin e Peres, ku me mjaft pasime në zonë mbrojtësi liqenor nuk gabon në gjuajtjen e tij.
Pogradeci – Sopoti 2-1
Shënues: Topllari 53′, Pere 87′ / Hoxha 81′
Pogradeci: Miraka, Pura, Bufasi, Pere, Alillari (Çela 83’), Rapo, Topllari, Jahaj, Shyti, Çekiçi (Zeqollari 90’+1), Laçka (Liçkollari 89’). Trajner A. Abazaj.
Sopoti: Lamellari, Bitincka (Hoxha 69’), Bello, Kllogjeri (Cake 55’, Kurti 89’), Ballkoçi, Begei, Lezi, Kastrati, Polisi, Idrizaj, Dhima. Trajner G. Stojku
Gjyqtarë: I. Zhuli, B. Mesi, E. Potomi (Tiranë)
Kartonë të verdhë: Topllari / Bitincka
