ASNN – Pogradeci dhe Lushnja kanë shënuar nga 3 gola dhe kanë ndarë nga një pikë, në takimin e parë të vlefshëm për grupin A të Kategorisë së Parë, të luajtur sot në Stadiumin “Gjorgji Kyçyku”.

Kjo ndeshje u soll për sportdashësit drejtpërdrejt nga Rrjeti i Radio-Televizionit Shqiptar, i cili do të sjellë të shtunën edhe duelin Kamza-Burreli dhe të hënën takimin Apolonia-Bylis.

Pogradecarët kalojnë të parët në epërsi të parët, me anë të Liçkollarit, që realizon në minutën e 13-të, por lushnjarët barazojnë shifrat 11 minuta më pas, me anë të Albano Byzhytit.

Në barazim 1-1 do të mbyllen 45 minutat e para, ndërsa ato të dytat do të dhurojnë edhe 4 gola të tjerë, nga dy për secilën skuadër. Shyti do ta kalojë sërish në epërsi pogradecarët në minutën e 70-të.

Por Lushnja do të barazojë në minutën e 78-të, me anë të Branicës. Edhe pse Bangura do t’i rikthejë në epërsi vendasit në minutën e 85-të, miqtë sigurojnë një pikë me anë të të Çelës, i cili ekzekuton bukur një goditje këndi dhe përshëndet rrjetën.