ASNN – Kampionati Kombëtar i Paratërinjve shpall fituesit nga Elbasani, spikasin ekipet e “Masglass-it” dhe D.K. Elbasanit. Të mërkurën u zhvilluan në Pallatin e Sportit “Tomor Sinani” në Elbasan garat e Kampionatit kombëtar të Peshëngritjes për moshën Nën-17 vjeç, ku spikatën më shumë elementët e ekipit privat “Masglass”, tek meshkujt, kurse për femrat sportistet e ekipit të D.K. Elbasanit që fituan 5 nga 6 pesha trupore.
Ishte një veprimtari me pjesëmarrje të gjerë, entuziaste dhe në vazhdën e zhvillimeve të fundit pozitive që ka ndërmarrë kryesia e re e federatës, me në krye presidentin Theodhor Masllavica. Sa u përket femrave, sportistja më e mirë u shpall Valbona Gjoshi e Tiranës, e peshës trupore 49 kg, e cila ngriti në dygarësh 109 kg, kurse për meshkuj sportisti më i mirë u shpall Erald Roshi i “Masglass”-it, i peshës trupore 55 kg.
Ai ngriti në dygarësh 197 kg. Sportistët e tjerë realizuan prova të kënaqshme dhe rezultatet ishin të mira brenda kontureve të moshës dhe njëherësh në vazhdën e një ridimensionimi të ri të peshëngritjes shqiptare. Vetë presidenti Theodhor Masllavica shfaqi optimizmin e tij për vazhdimësinë e këtij sporti në Shqipëri, teksa përgëzoi organizatorët në Elbasan për kushtet e krijuara.
“Kjo është veprimtaria e dytë në radhë për këtë vit dhe dëshirojmë që veprimtari të tilla t’i zhvillojmë edhe në qytetet e tjera, – u shpreh kreu i organizmit që qeveris shtangën shqiptare. – Këtu (në Elbasan) gjetëm mikpritje dhe për herë të parë pashë që ky qytet ka një skuadër femrash në peshëngritje. Shoh që ka edhe talente të cilët mund të afrohen në ekipin kombëtar.”
“Ndërsa në arenën ndërkombëtare për këtë vit dëshirojmë të sjellim medalje. Sa i takon dopingut, mendoj se duhet të kalojë dhe Kampionati Evropian dhe të themi hapur se e kemi mbyllur përfundimisht këtë histori”, – përfundoi presidenti i Federatës Shqiptare të Peshëngritjes, Theodhor Masllavica.
Kampionati Kombëtar
i Peshëngritjes për Nën-17 vjeçarët
Rezultatet:
Femra
Sportisti / Ekipi Pesha Shkëputje Shtytje Dygarësh
trupore
Enkileda Carja / D.K. Elbasan 40 kg 40 kg 48 kg 88 kg
Valbona Gjoshi / Tirana 49 kg 47 kg 62 kg 109 kg
Malvina Alliu / D.K. Elbasan 53 kg 25 kg 35kg 60 kg
Marsela Carja / D.K. Elbasan 59 kg 57 kg 65 kg 122 kg
Bensa Drestila / D.K. Elbasan 64 kg 25 kg 30 kg 55 kg
Xhesiona Hasfatija / D.K. Elbasan 76 kg 30 kg 30 kg 60 kg
Sportistja më e mirë: Valbona Gjoshi (Tirana)
Meshkuj
Sportisti / Ekipi Pesha Shkëputje Shtytje Dygarësh
trupore
Aldo Doci / Tirana 49 kg 48 kg 62 kg 110 kg
Erald Roshi / Masglass 55 kg 92 kg 105 kg 197 kg
Samuel Bishanaku / Tirana 61 kg 81 kg 98 kg 179 kg
Elio Rina / Apolonia 67 kg 62 kg 80 kg 142 kg
Kristi Bizgjoni / Masglass 73 kg 102 kg 127 kg 229 kg
Artur Kotorja / Masglass 81 kg 95 kg 110 kg 205 kg
Franko Ferra / Elbasani 89 kg 102 kg 132 kg 234 kg
Maringlen Marku / Masglass 96 kg 110 kg 140 kg 250 kg
Bekim Gripshi / Sukthi 102 kg 80 kg 110 kg 190 kg
Adoraldo Poka / Masglass +102 kg 90 kg 115 kg 205 kg
Sportisti më i mirë: Erald Roshi (Masglass)
