Romela Begaj rikthehet si kampione pas dy vjetësh mungesë dhe shpallet sportistja më e mirë e Kampionatit Kombëtar të Peshëngritjes për Të Rritur. Konfirmohet forma e mirë e Briken Caljes, ndërsa Daniel Godelli ka munguar për shkak dëmtimi.

Federata Shqiptare e Peshëngritjes ka lajmëruar se në javën e parë të janarit do të nisë grumbullimi i ekipit kombëtar, që do të marrë pjesë në Kampionatin Evropian të Të Rriturve në Split të Kroacisë.

E ky grumbullim do të zgjasë 50 ditë dhe do të jenë gjithsej 15 peshëngritës të grumbulluar. Për shkak të të ftohtit nuk ka pasur thyerje rekordesh dhe rezultatet nuk kanë qenë ato të duhurat.

Për meshkuj Tirana ka lënë pas Teutën dhe Shtërmenin, kurse për femra Partizanin dhe Skënderbeut. E kësisoj është kampione e dyfishtë, ndërsa Romela Begaj dhe Briken Calja janë më të mirët e kampionatit.

Madje i kënaqur ka qenë dhe trajneri i Tiranës, Sokol Bishanaku, që ka konfirmuar se bardheblutë kanë pasur dhe vende të dyta dhe të treta. “Në përgjithësi një garë e mirë e jona, sidomos e Romelës dhe besoj se jemi skuadra më e mirë e kampionatit dhe e kemi merituar këtë sukses”, – ka përfunduar Bishanaku.

Kampionati Kombëtar i

Peshëngritjes për Të Rritur

Rezultatet teknike:

Të rritura:

Pesha 48 kg  Ana Jovani (Skënderbeu)

Pesha 53 kg  Liljana Hasani (Tirana)

Pesha 56 kg  Shqiponja Brahja (Partizani)

Pesha 63 kg  Romela Begaj (Tirana)

Si ekip: Tirana

Sportistja më e mirë: Romela Begaj (Tirana)

Të rritur:

Pesha 56 kg              Elsian Ismailaj (Tirana)

Pesha 62 kg              Arbër Çerçizi (Apolonia)

Pesha 69 kg              Briken Calja (Shtërmeni)

Pesha 77 kg              Dorian Tuda (Teuta)

Pesha 85 kg              Krenar Shoraj (Apolonia)

Pesha 94 kg              Ermand Tabaku (Tirana)

Pesha 105 kg           Endri Karina (Tirana)

Pesha +105 kg         Edison Elmazaj (Flamurtari)

Si ekip: Tirana 593

Sportisti më i mirë: Briken Calja (Shtërmeni)