Presidenti i Federatës Shqiptare të Peshëngritjes, Elez Gjoza, në një intervistë për mediat gjatë zhvillimit të Kupës së Shqipërisë ka shpjeguar se kjo veprimtari ka qenë edhe zyrtarizim i kombëtares, e cila do të marrë pjesë në Oslo. “Më duhet të them se tek femra, Evangjeli Veli është një talent i vërtetë, – ka thënë ai. – Ajo sot me dy rekorde e saj tregon se është e bindur për të qenë në zonën e medaljeve në këtë Evropian.”

“Presim dhe patëm gara interesante nga Avdiraj, Calja, Shorja, Qerimaj, Karina, Elmazi, – ka vijuar ai. – Por më duhet të them se kombëtarja nën drejtimin e trajnerëve Toska dhe Suli janë duke u përgatitur mirë në Shtërmen, ndërsa ende nuk është ulur ngarkesa. Ne sot do të mbledhim kryesinë, atje ku do të caktojmë zyrtarisht kombëtaren, e cila do të jetë e përbërë nga tetë djem dhe dy vajza.”

“Do të shkojmë me ekip të plotë për të qenë në zonën e medaljes dhe unë jam i bindur për këtë”, – ka këmbëngulur Gjoza, i cili më pas është ndalur tek rastet e dopingut. “Ajo që ndodhi më 2014-ën në Kazakistan ishte një goditje e rëndë për peshëngritjen, – ka pohuar ai. – E parë kështu me kërkesën tonë, por dhe me mbështetjen e Ministrisë së Arsimit dhe Sportit, kemi bërë dy teste të antidopingut.”

“Në garën e kontrollit katër të përzgjedhur nga ana jonë, kurse tre ditë më parë i gjithë ekipi kombëtar. Kemi bërë dhe seminare sensibilizimi. Dhe mendoj se këtë herë në Oslo do të kemi ekip të pastër, të aftë për medalje dhe që do të kualifikohet me normë në Lojërat Olimpike “Rio de Zhaneiro 2016”, – ka përfunduar kreu i organizmit që qeveris peshëngritjen shqiptare.

Kupa e Shqipërisë në Peshëngritje

Rezultatet teknike:

Femra                                                                         Shkëp                        Shtyt               Dygarësh

Pesha 48 kg  Ana Jovani (Skënderbeu)              55 kg              65 kg              120 kg

Pesha 53 kg  Evangjeli Veli (Partizani)                86 kg              105 kg            191 kg

Pesha 58 kg  Besjana Koni (Tirana)                     40 kg              49 kg            89 kg

Pesha 75 kg  Manjola Karaj (Partizani)                55 kg              65 kg            120 kg

Pesha +75 kg           Besarda Kollozi (Tirana)     62 kg              70 kg            132 kg

Si ekip: Tirana 272 pikë

Sportistja më e mirë: Evangjeli Veli (Partizani)   288.1 pikë

Meshkuj

Pesha 56 kg  Roald Kuqja (Shtërmeni)                72 kg            90 kg            162 kg

Pesha 62 kg  Romario Avdiraj (Tirana)                 110 kg            135 kg            245 kg

Pesha 69 kg  Edison Nelaj (Tirana)                      120 kg            147 kg            267 kg

Pesha 77 kg  Briken Calja (Shtërmeni)                147 kg            185 kg            332 kg

Pesha 85 kg  Erkand Qerimaj (Vllaznia)              157 kg            195 kg            352 kg

Pesha 94 kg  Endri Karina (Elbasani)                  162 kg            190 kg            352 kg

Pesha 105 kg Aleks Kaçani (Skënderbeu)         135 kg            165 kg            300 kg

Pesha +105 kg         Edison Elmazi (Flamurtari)            151 kg            175 kg            326 kg

Si ekip: Tirana 532 pikë

Sportisti më i mirë: Erkand Qerimaj (Vllaznia) 434.01 pikë