Dështon në tre provat e tij në shtytje dhe për rrjedhojë është skualifikuar dhe nuk është klasifikuar në dygarësh. E vetmja shpresë për medalje në Fjorde të Norvegjisë sonte nga Erkand Qerimaj. Në shkëputje Calja e ka nisur mirë, teksa në dy provat e para ka realizuar me sukses 142 kg dhe 145 kg. Por në të 3-ën nuk ka mundur të ngrejë 147 kg.

E megjithatë është në vendin e tretë me një diferencë prej 10 kilogramësh me vendin e parë dhe dy kilogramësh me vendin e dytë. Në shtytje më pas nisin problemet, sepse Calja nuk e ngre dot shtangën në provën e parë me 177 kg. E rrit me një kilogram dhe nuk mund të realizojë dy herë 178 kg.

E cila në kushtet kur Petrova dhe Avetisian e kishin mbyllur garën e tyre me 175 kg, ndërsa Ismailov nuk kishte realizuar 182 kg dhe 190 kg ishte e sigurt që do t’i jepte medalje. Madje të argjendtë për ta klasifikuar në dygarësh diku në vendin e 5-të, sepse me 313 kg nuk do të ishte për medalje.

Megjithatë do të ishte pikë për Shqipërinë. Por duket se ka qenë një ditë “jo” për Caljen dhe peshëngritjen shqiptare jashtë çdo parashikimi, apo jashtë çdo pritshmërie e përgatitjeje prej dy muajsh në Shtërmen. Shkurt, tashmë medalja shqiptare në Evropianin e Norvegjisë mbetet në shpatullat e Erkand Qerimajt.

Kampionati Evropian i Peshëngritjes

“Fjërde 2016” – Norvegji

Rezultatet teknike të peshës 69 kg

Shkëputje

1) Daniar Ismailov (Turqi)               155 kg

2) Sergei Petrov (Rusi)                   147 kg

3) BRIKEN CALJA (SHQIPËRI)    145 KG

Shtytje

1) Daniar Ismailov (Turqi)               178 kg

2) Sergei Petrov (Rusi)                   175 kg

3) Vanik Avetisian (Armeni)           175 kg

BRIKEN CALJA (SHQIPËRI)        ———-

Dygarësh

1) Daniar Ismailov (Turqi)               333 kg

2) Sergei Petrov (Rusi)                   322 kg

3) Daniel Sançez Lopez (Spanjë) 318 kg

BRIKEN CALJA (SHQIPËRI)        ———-