ASNN – Më pas fjalën e ka marrë presidenti i nderit i Federatës Shqiptare të Peshëngritjes, Gudar Beqiraj, i cili është shprehur se ky është grumbullimi më i mirë që ka bërë deri tani peshëngritja për kombëtaren.

“Kushtet janë mjaft të mira dhe tepër luksoze, sidomos në hotel, – ka deklaruar ai. – Por gjëja më e mirë është fakti i ushqimit bio që do të konsumojnë sportistët dhe “shyqyr” që ia arritëm kësaj dite për një grumbullim shumë serioz.”

“Testet e anti-dopingut nuk do t’i mungojnë çdo sportisti, – ka vijuar Beqiraj. – Që do të thotë se jemi përgatitur që gjithçka të shkojë si mos më mirë në këtë garë, që padyshim do të jetë shumë e fortë. Konkurrenca do të jetë e madhe për të gjithë.”

“Brenda disa ditëve ekipi do të kompletohet i gjithi me kostumet e kombëtares, që do të bëhen enkas për këtë garë dhe do të vijnë nga Bari i Italisë dhe kjo është diçka e mirë”, – presidenti i nderit i Federatës Shqiptare të Peshëngritjes, Gudar Beqiraj.