Ligji i sportit, por dhe fondi “grant”-i i pamjaftueshëm, si dhe premtimi për një medalje olimpike kanë qenë në qendër të diskutimit të presidentit Elez Gjoza. Dimraj dhe Bezhani në mbështetje të shtangës. Federata Shqiptare e Peshëngritjes, ashtu sikurse kishte premtuar dhe që në fillimin e vitit 2016, ka bërë dje në mjediset e Akademisë së Shkencave në Tiranë, analizën e saj vjetore.

Në prezencën e zëvendësministrit Rauf Dimraj dhe të presidentit të Komitetit Olimpik Kombëtar Shqiptar, Viron Bezhani, presidenti Elez Gjoza në hapje të kësaj asambleje ka propozuar mbajtjen e një minute heshtjeje për ndarjen nga jeta të një figure të shtangës shqiptare si Mirjan Hakani. Në vijim të analizës së tij, Gjoza pranon që ka qenë një budallallëk i Shqiponja Brahjas, e cila nuk mundi të binte në peshë.

Ndërsa Shqipëria do të ishte me radhë në Evropianin e moshës deri në 15 vjeç, të rinj dhe Nën-23-vjeçarët. E kulmi do të ishte pjesëmarrja në Botërorin e Hjustonit, atje ku Briken Calja është në vendin e gjashtë dhe Erkand Qerimaj në vendin e dhjetë. “Duhet të falënderoj ministren Nikolla, e cila u tregua e gatshme për zhbllokimin e fondit”, – tha kreu i FSHP-së.

“Ashtu, sikurse vlerësoj dhe punën e trajnerëve Leonard Toska dhe Zef Kovaçi, të cilët bën të mundur këtë garë të mirë në Hjustonit. Por duhet të kuptoni që ne kemi shlyer një pjesë të mirë të gjobës falë donacioneve. Kam kritikat e mia për drejtorinë e sportit dhe kryeministrinë, sepse duhet ta shohin grantin, aq më tepër që peshëngritja është një sport që ka dhuruara 324 medalje në 44 vjet pjesëmarrje ndërkombëtare.”