ASNN – Janë luajtur mbrëmë ndeshjet e kthimit të “play-off”-it të Ligës së Kampioneve dhe Dinamo e Zagrebit, Malmoe, Makabi i Tel Avivit, Shahtjori i Donjeckut dhe Valencia kanë siguruar vendin në fazën e grupeve të veprimtarisë më prestigjioze të klubeve të kontinentit.

Dinamo e Zagrebit e fitoi edhe ndeshjen e kthimit me Skënderbeun, me rezultatin 4-1, edhe pse pjesën e dytë e luajti praktikisht me 10 lojtarë. Ndërkaq, Malmoe ka përmbysur atë humbjen 2-3 të pësuar në Skoci para një jave, duke fituar 2-0 në shtëpi ndaj Sëlltikut dhe duke siguruar vendin në fazën e grupeve.

Makabi i Tel Avivit është kualifikuar falë golave të shënuar në fushë të huaj në ndeshjen e parë, pasi edhe ndeshja e kthimit është mbyllur në barazim, por në shifrat 1-1. Në barazim, 2-2, është mbyllur edhe në Donjeck ndeshja midis Shahtjorit vendas dhe Rapidit të Vjenës, por ukrainasit kalojnë më tej falë fitores minimale në ndeshjen e parë në Austri.

Në duelin e fundit të mbrëmshëm Monako ka fituar 2-1 ndaj Valencias, por kjo nuk i ka mjaftuar skuadrës së Principatës për të përmbysur humbjen 1-3 të pësuar në ndeshjen e parë. Sonte luhen 5 takimet e tjera të “play-off”-it të Ligës së Kampioneve, ku 4 skuadra shkojnë me një epërsi minimale në ndeshjet e kthimit.

Liga e Kampioneve 2015-2016

Ndeshjeve të kthimit të “play-off”-it:

Dje:

Dinamo Zagreb – Skënderbeu                  4-1 (2-1)

Malmoe – Sëlltik                                           2-0 (2-3)

Makabi Tel-Aviv – Bazel                             1-1 (2-2)

Shahtjor Donjeck – Rapid Vjenë               2-2 (1-0)

Monako – Valencia                                     2-1 (1-3)

Sot:

APOEL Nikozia – Astana                           (0-1)

Partizan Beograd – BATE Borisov            (0-1)

Bajer Leverkusen – Lacio                           (0-1)

CSKA Moska – Sporting Lisbonë             (1-2)

Bryzh – Mançester Junajtid                       (1-3)