ASNN – Legjenda e braziliane e futbollit, Pele, ka thënë se përfaqësuesja aktuale e Brazilit është një ekip individësh.

Që nga humbja 1-7 me Gjermaninë në Kampionatin Botëror të 2014-s, Brazili nuk ka arritur që të ringjallet dhe të gjejë formën më të mirë, ndrëkohë që edhe në Eliminatoret për Botërorin 2018, u mund së fundmi edhe nga Kili, me rezultatin 0-2.

“Nuk e kemi humbur pasionin për futbollin, – ka deklaruar ish-futbollisti që shpesh cilësohet si më i miri në historinë e futbollit botëror. – Kemi një ekip të mirë, por fatkeqësisht nuk kemi kohë që t’i përgatitim.”

“Futbollistët individual janë të rëndësishëm, por të kesh një kombëtare të mirë duhet të luhet së bashku si ekip, ky është një problem i madh, pasi individualisht kemi lojtarët më të mirë në botë, por si ekip kemi shumë probleme”,- ka përfunduar Pele.