ASNN – Jovan Nikoliç është zyrtarisht një lojtar i Partizanit. Klubi i kuq njoftoi se ka arritur sot marrëveshjen me mesfushorin nga Mali i Zi duke siguruar kartonin e tij pas një marrëveshje midis dy klubeve, i cili ka nënshkruar edhe një kontratë 3-vjeçare me 15 herë kampionët e Vendit.
Menjëherë pas nënshkrimit të kontratës, 24-vjeçari malazez, ish-kapiten i Sutjeskës, ka udhëtuar drejt Ohrit për t’iu bashkuar ekipit të kuq në fazën përgatitore. “Jam shumë i kënaqur dhe tepër entuziast për aventurën time të re, si pjesë e ekipit të Partizanit”, – ka thënë ai.
“Kam dëgjuar shumë për këtë klub, falë edhe kontakteve që kam patur me mikun tim, Stevan Raçiç, i cili më ka treguar për atmosferën dhe mjedisin tek Partizani”, – ka përfunduar 24-vjeçari malazez, ish-kapiten i Sutjeskës, Jovan Nikoliç.
