ASNN – Partizani-Kukësi luajnë me frikë dhe nuk e prishin renditjen, kur mungojnë golat barazimi përkthehet fitore. Java e 17-të e Kategorisë Superiore nisi këtë të premte me një kryendeshje, pikërisht Partizani-Kukësi. Ky duel i luajtur në Stadiumin “Selman Stërmasi” në kryeqytet u mbyll në barazim 0-0, duke mos prodhuar fitues, por duke u dhënë të dyja skuadrave nga një pikë, e cila nuk ndryshon pozitat e renditjes dhe bën që Partizani të ruajë kreun e renditjes. Nën reshjet e shiut, dueli midis Partizanit dhe Tiranës nuk pati emocionin e duhur.

Kjo dhe për faktin se mungonte tifozeria si pasojë e dënimit të fushës. Ishte një përballje skuadrash të njëjta për nga mënyra e lojës. Të dyja e kërkuan golin nga kundërsulmi. Në pjesën e parë dominoi Partizani, i cili pretendoi edhe për 11-metërsh, kurse në pjesën e dytë dominoi Kukësi, që rriti vëllimin e lojës sulmuese, por pa gjetur rrjetën kundërshtare. Në tërësi ishte një ndeshje me lojë të ekuilibruar, ku skuadrat më shumë u mbrojtën sesa menduan të sulmonin, prandaj dhe përfundimi 0-0 i kësaj ndeshjeje nuk i prishi ekuilibrat në garë.

Si përfundim, pas 90-minutësh loje të barabartë, edhe rezultati ishte i barabartë dhe i bardhë, 0-0, ku të dy ekipet morën nga një pikë, por kjo pikë i buzëqesh më shumë Partizanit që ruan kreun  e renditjes me 36 pikë, ndjekur nga Kukësi me 5 pikë më pak, pra 31 pikë. Duelet e tjera të javës së 17-të do të luhen të shtunën dhe të dielën, ndërsa surprizat priten vetën në fundin e tabelës, sepse në kryesim Partizani ka një diferencë që nuk kërcënohet të paktën në dy ndeshjet e radhës. Ndërkohë, u vërtetua dhe një herë ajo që është thënë e stërthënë.

Që ky sezon nuk ka golashënues të spikatur dhe sidomos Partizanit i mungon një i tillë i mirëfilltë. Të dy ekipet vuajtën për lojtarin që shënon gol dhe kjo e justifikoi mjaft mirë dhe rezultatin “e thatë” të kësaj ndeshjeje. U vërtetua dhe një fakt tjetër nga kjo përballje: Që Partizani dhe Kukësi bëjnë lojë mbrojtëse, pa shumë spektakël, dhe që ëndërrojnë të fitojnë nga kundërsulmi. Taktikë e njëjtë, mbrojtje dhe vetëm mbrojtje e në fund vetëm një pikë, edhe në këtë drejtim barazimi ishte i justifikuar.

Së treti, u vërtetua që Partizani mban kreun falë mbrojtjes së fortë dhe racionalitetit në veprime, njëlloj si Kukësi, ndërsa të dy trajnerët dolën të kënaqur nga loja që nuk humbën dhe e morën pikë e barazimit të sotëm si fitore. Fundja, gara mbetet e hapur edhe pas kësaj ndeshjeje të rëndësishme të javës së 17-të. Pas barazimit të sotëm, Partizani mund të thuhet se është praktikisht “Kampion dimri”.

Kategoria Superiore

Java e 16-të

Të premten, 14 dhjetor 2018:

Partizani – Kukësi                0-0

Të shtunën, 15 dhjetor 2018:

Laçi – Tirana                          (14:00)

Flamurtari – Kamza              (17:00)

Të dielën, 16 dhjetor 2018:

Kastrioti – Teuta                    (14:00)

Skënderbeu – Luftëtari        (17:00)

Renditja

Nr.       Skuadra                     N.        F.         B.        H.        Gsh-Gp          Pikë

1. Kukësi                        17         9        4            4        16-9                31
2. Partizani                    17        11        3            3        18-8                36
3. Skënderbeu              16          9        3            4        18-9                30
4. Teuta                          16          8        5            3        19-12              29
5. Laçi                             16          7        5            4        13-11              26
6. Flamurtari                  16          7        4            5        14-11              25
7. Tirana                         16          3        5            8        17-19              14
8. Luftëtari                     16          4        1          11        11-18              13
9. Kamza                        16          3        3          10          8-19              12
10. Kastrioti 16          3        1          12        11-29              10