ASNN – “Ndaj Korabit na duhen patjetër 3 pikët”. Kështu është shprehur futbollisti i Partizanit, Labinot Ibrahimi. Të kuqtë vijnë në këtë ndeshje pas barazimit me Flamurtarin, ndaj, për të synuar kreun, iu duhet fitorja ndaj skuadrës dibrane.
Kështu, Partizani luan të dielën me Korabin e vendit të fundit të renditjes në Kategorinë Superiore. Një ndeshje që duket e lehtë në letër, por për Labinot Ibrahimin, nuk është e tillë.
Mbrojtësi i të kuqve pranon se ndaj skuadrës dibrane duhet të luajnë fort për të marrë 3 pikët, për të synuar kreun e renditjes. Për Partizanin, në ndeshjen ndaj Korabit, mbetet në dyshim aktivizimi i portierit Alban Hoxha, i cili duket se nuk ia ka dalë të rimarrë veten nga dëmtimi i pësuar.
