ASNN – Partizani përmbysi rezultatin dhe mposhti 1-2 Vllazninë, në një ndeshje që më shumë sesa futbolli i luajtur protagonist u bë gjyqtari kryesor, Kreshnik Cjapi, me vendimet e tij. Loja e hapur në fillimin e ndeshjes bëri që të dyja skuadrat të sulmonin portat përkatëse.
Të kuqtë shpërdoruan disa raste njëra pas tjetrës me Sukajn, Plakun dhe Mazrekajn, ndërkohë që Vllaznia në rastin e parë vërtetë të rrezikshëm kaloi në epërsi me Krymin në të 29-tën. Pas këtij momenti, kryesori Cjapi e “fali” futbollistin e Partizanit Kalari duke e ndëshkuar vetëm me të verdhë.
Ndërsa disa minuta më vonë refuzoi të jepte një 11-metërsh për Vllazninë. Momenti më i diskutueshëm i ndeshjes ishte ai në minutën e 43-të, kur Partizani fitoi një 11-metërsh disi të dyshimtë. Polizoi Arbri u ndëshkua me të kuq, ndërkohë që futbollistët shkodranë kërcënuan me braktisjen e ndeshjes, por inati i tyre zgjati vetëm pak minuta.
Pas rikthimit në fushë, loja vazhdoi dhe Sukaj barazoi me 11-metërsh, goli i 3-të ky për të me fanellën e Partizanit. Epërsia numerike i dha mundësinë të kuqve të Starovës të ishin më superiorë në pjesën e dytë. Ishte italiani Morini ai që në minutat e fundit shënoi golin e fitores për kryeqytetasit.
Por trajneri i të kuqve, Sulejman Starova, i cili vazhdon të jetë i pakënaqur me disa nga futbollistët e tij. Flamurtari mori pikën e parë dhe vazhdon të zhgënjejë edhe pas javës së 3-të. Vlonjatët barazuan pa gola me Laçin, skuadër kjo që mori barazimin e tretë në po kaq javë kampionat.

Kategoria e Parë
Java e 3-të:

Të shtunën, 12 shtator 2015:

Tërbuni Pukë – Skënderbeu 0-2
Shënues: Piter Olajinka 48’, 86’
Stadiumi “Ismail Xhemali”, Pukë

Kukësi – Teuta 3-0
Shënues: F. Moreira 15’, Karioka 50’, Flores 86’
Stadiumi “Zeqir Ymeri”, Kukës

Tirana – Bylis 0-0
Stadiumi Kombëtar “Qemal Stafa”, Tiranë

Të dielën, 13 shtator 2015:

Flamurtari – Laçi 0-0
Fusha Sportive, Peqin

Vllaznia – Partizani 1-2
Shënues: Krymi 29’ / Sukaj 43’(11-m.), Morini 83’
Stadiumi “Ismail Xhemali”, Pukë

Renditja
Nr. Skuadra N. F. B. H. Gsh-Gp Pikë
1. Skënderbeu 3 3 0 0 4-0 9
2. Partizani 3 2 1 0 5-3 7
3. Kukësi 3 2 0 1 5-1 6
4. Teuta 3 2 0 1 3-3 6
5. Tirana 3 1 2 0 3-2 5
6. Tërbuni Pukë 3 1 0 2 3-4 3
7. Laçi 3 0 3 0 2-2 3
8. Flamurtari 3 0 1 2 1-3 1
9. Bylis Ballsh 3 0 1 2 0-4 1
10. Vllaznia 3 0 0 3 1-5 0