ASNN – Partizani-Apolonia, finalja e Kupës. Kryeqytetaset dhe fieraket nuk gabojnë në gjysmëfinale, tanimë për trofeun. Partizani dhe Apolonia janë dy skuadrat që siguruan finalen e madhe të Kupës së Shqipërisë në futboll për femra, pas takimeve gjysmëfinale që u luajtën këtë të diel. Fieraket mposhtën Gramshin në të dy sfidat, kurse Partizani, edhe pse u mund minimalisht nga Tirana, kaloi në finale falë fitores 4-0 në takimin e parë.
Edicioni i 15-të i veprimtarisë së dytë të futbollit të femrave, Kupës së Shqipërisë, ka arritur tashmë në aktin final, teksa janë zbuluar edhe dy finalistet e tij. Partizani dhe Apolonia janë dy skuadrat që siguruan finalen e madhe të këtij edicioni pas takimeve gjysmëfinale që u u luajtën këtë të diel, me fieraket që mposhtën Gramshin dhe Partizanin që, edhe pse u mund nga Tirana, kaloi në finale falë fitores 4-0 në takimin e parë.
Apolonia udhëtoi drejt Gramshit duke luajtur një ndeshje formale, pasi fieraket kishin fituar takimin e parë me shifrat e thella 12-0. Sakaq, në ndeshjen e kthimit të zhvilluar ditën e sotme, Apolonia ia doli të triumfojë sërish me rezultatin 0-5 duke siguruar kështu finalen e madhe ku do të përballet me Partizanin. Të kuqet u mposhtën me rezultatin 1-0 nga Tirana në takimin e zhvilluar të dielën në Kompleksin “Skënder Halili”, e megjithatë kaluan për herë të parë në histori finalen e Kupës së Shqipërisë për femra.
Kjo falë fitores së siguruar në takimin e parë gjysmëfinal, ku patën triumfuar me rezultatin 4-0. Kësisoj, finalja e madhe do të luhet mes Apolonisë dhe Partizanin, me dy skuadrat që përballen për herë të parë në betejën për këtë trofe. Departamenti i Garave në FSHF do të vendosë në javët në vijim edhe datën e vendin se ku do të luhet kjo finale mes Apolonisë e Partizanit, që duhet theksuar se është e para pas shumë vitesh që nuk sheh Vllazninë e përjashtuar nga ky edicion i kësaj veprimtarie.
Kupa e Shqipërisë
Futboll – Femra
Gjysmëfinalet:
27 janar 2024:
Apolonia – Gramshi 12-0
5 shkurt 2024:
Gramshi – Apolonia 0-5
28 janar 2024:
Partizani – Tirana 4-0
5 shkurt 2024:
Tirana – Partizani 1-0
