ASNN – Partizani korri të shtunën një sukses të rëndësishëm në këtë fazë të tretë të kampionatit, pasi në skuadër të javës së 21-të të Kategorisë Superiore mundi Kastriotin me rezultatin e pastër 2-0 dhe mori një trepikësh me mjaft vlerë që jo vetëm e ruajnë vendin e parë në klasifikim, por njëherësh të distancohet nga ndjekësit, aq sa tani është +8 pikë nga Kukësi që është rivali më i afërt dhe natyrisht edhe kundërshtari më serioz në garën për titull.

Në pjesën e parë ndeshja e luajtur në kryeqytet nuk dhuroi ndonjë emocion të veçantë. Pavarësisht këmbënguljes së Partizanit, krutanët u mbrojtën mirë dhe e mbyllën këtë pjesë 0-0. Në pjesën e dytë vjen zgjidhja e madhe. Dhe është pikërisht “asi” nën mëngë i trajnerit Skënder Gega. Dhe Partizani e ka kuptuar që kur sulmi nuk funksionon duhet gjetur zgjidhje dhe zgjidhja vjen nga një vlonjat, Bruno Telushi. Ai realizoi në minutën e 52-të, duke e çliruar Partizanin nga ana psikologjike.

Më pas vjen radha e Jurgen Bardhit në minutën e 60-të që shënoi golin e dytë për të kuqtë. Kaq mjaftoi dhe Partizani e fitoi ndeshjen 2-0 dhe ky trepikësh e distancoi ndjeshëm nga ndjekësit, tashmë 8 pikë më shumë se Kukësi i vendit të dytë. Edhe pse fitoi ndaj një skuadre modeste, duket qartë se kjo fitore është me vlera morale të mëdha për “demat” kryeqytetas, kështu që presioni është tek rivalët, sidomos Kukësi, i cili përballet të dielën me Tiranën, në kryendeshjen e javës së 21-të.

Kategoria Superiore

Java e 21-të

Të shtunën, 9 shkurt 2019:

Partizani – Kastrioti              2-0

Të dielën, 10 shkurt 2019:

Kukësi – Tirana                     (14:00)

Luftëtari – Flamurtari            (14:00)

Teuta – Kamza                      (17:00)

Skënderbeu – Laçi               (18:00)

Renditja

Nr. Skuadra               Pikë

1. Partizani             46
2. Kukësi             38
3. Teuta 35
4. Laçi 31
5. Skënderbeu 30
6. Flamurtari 29
7. Tirana             21
8. Luftëtari             20
9. Kastrioti             16
10. Kamza 15