ASNN – Paris SG-ja ka në përbërje lojtarët më të paguar deri më sot. Lionel Mesi dhe Nejmari janë më të paguarit në skuadër dhe Kilian Mbapé është i treti. Pas ardhjes së argjentinasit, Paris SG-ja bëhet kështu klubi me futbollistët më të paguar në histori. Leo Mesi zbarkoi në kryeqytetin francez me synimin për të bërë histori me ekipin parisien.
Por edhe për t’u bërë më i paguari i skuadrës, pasi ai do të marrë 40 milionë Euro në sezon, duke tejkaluar Nejmarin, i cili merr 36.8 milionë. Ndër më të paguarit në klub është edhe Kilian Mbapé. Megjithatë, sulmuesi është larg nga pagat që marrin Nejmari dhe Mesi, pasi fiton 18 milionë Euro në sezon. Ata ndiqen nga Markinjos, Verrati dhe Di María, ndërsa Ramos, është i 8-ti, duke fituar 10.8 milion në vit.
Në pjesën e fundit të renditjes janë Herrera dhe Bernat që kanë edhe pagat më të ulëta. Mesfushori është një nga objektivat e Paris SG-së për të shtuar të ardhurat gjatë verës dhe mbrojtësi nuk është as në mesin e 15 pagave më të mira të skuadrës. Më shumë se ai përfitojnë lojtarë të tillë si Mauro Ikardi, Donaruma, Hakim Ashrafi apo Ander.
