ASNN – Edhe dje, Orikumi ka vijuar normalisht përgatitjet në kuadër të ndeshjes së radhës që do ta luaj në fushë të huaj, atë që do të luajë në Përmet përballë skuadrës vendase.

Bregdetarët vijnë pas një fitoreje të merituar në Vlorë ndaj Memaliajt, teksa patën triumfuar me rezultatin e ngushtë 1-0, atje ku të dyja skuadrat janë përfshirë në një sherr masiv.

Në një deklaratë të dhënë për shtypin sportiv të ditës, sulmuesi Kongjoni i Orikumit ka pohuar: “Po e presim me padurim këtë ndeshje dhe jemi përgatitur intensivisht për të dhënë maksimumin në këtë ndeshje”.

“Nuk kemi se çfarë të humbasim, ndaj do të kërkojmë dhe do të marrim maksimumin në këtë ndeshje”, – ka përfunduar sulmuesi Kongjoni i Orikumit.