ASNN – Noti shqiptar vijon të zhgënjejë në Kampionatin Evropian, që është duke u zhvilluar në Gllasgou të Skocisë.
Kështu të dielën në 200 metra stil i lirë për femra, Nikol Merizaj në baterinë e parë eliminatore do të zinte vendin e 7-të me kohën 2’12”28.
Me këtë kohë, ajo u rendit e 53-ta mes 55 konkurruesve. Ndërkohë sot, në të njëjtën disiplinë, por për meshkuj, Franc Aleksi ka dalë i pari në baterinë e parë eliminatore.
Koha e tij ishte 1’59”23, por notari kuqezi nuk shkoi dot më larg se vendi i 58-të në renditjen e përgjithshme mes 63 pjesëmarrësve.
Pra në një farë mënyre asnjë shenjë, kurse Kampionati Evropian i Notit 2018, përfundon të enjten, më 9 gusht.
